હાલ સોશ્યલ મીડિયા પર એક વિડીયો વાયરલ થઈ રહ્યો છે જેમાં લગ્નમાં ડાન્સ કરી રહેલા 19 વર્ષીય યુવકનું હાર્ટ એટેકથી મોત થયું.
લગ્નમાં ડાન્સ કરી રહેલા 19 વર્ષીય યુવકનું હાર્ટ એટેકથી મોત
ઘટનાનો વીડિયો સોશિયલ મીડિયા પર વાયરલ
અચાનક જ યુવક ડાન્સ કરતાં કરતાં ઢળી પડ્યો
હાલ હાર્ટ અટેકના કિસ્સાઓ ઘણા વધી રહ્યા છે અને ઘરડાઓને નહીં પણ યુવાનો પણ હાલતા-ચાલતા હાર્ટ અટેકને કારણે મૃત્યુ પામી રહ્યા છે. તબીબોના તારણ અને અનુભવ મુજબ હવે કોરોના પછી યુવાનોમાં પણ હાર્ટ ઍટેકના પ્રમાણમાં વધારો જોવા મળી રહ્યો છે. હાલમાં જ કેટલીક એવી ઘટનાઓ પણ સામે આવી છે અને વધુ એક આવો કિસ્સો સામે આવ્યો છે. જણાવી દઈએ કે હાલ સોશ્યલ મીડિયા પર એક વિડીયો વાયરલ થઈ રહ્યો છે જેમાં લગ્નમાં ડાન્સ કરી રહેલા 19 વર્ષીય યુવકનું હાર્ટ એટેકથી મોત થયું હતું. કહેવામાં આવી રહ્યું છે કે આ ઘટના તેલંગણાની છે.
ઘટનાનો વીડિયો સોશિયલ મીડિયા પર વાયરલ
જણાવી દઈએ કે આ ઘટના શનિવાર 25 ફેબ્રુઆરી રાતની છે અને હૈદરાબાદથી લગભગ 200 કિલોમીટર દૂર નિર્મલ જિલ્લાના પારડી ગામમાં મહારાષ્ટ્રનો રહેવાસી મોતીમ નામનો યુવક તેના એક સંબંધીના લગ્નમાં ડાન્સ કરી રહ્યો હતો. વીડિયોમાં યુવક ડાન્સ કરતાં નજરે ચઢી રહ્યો છે અને આસપાસ ઘણા લોકો તાળીઓ પાડીને મજા પણ માણી રહ્યા છે. અચાનક જ યુવક ડાન્સ કરતાં કરતાં ઢળી પડ્યો. હાલ આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.
વાયરલ વિડીયોમાં જોવા મળે છે કે યુવક ડાન્સ કરતી વખતે અચાનક જમીન પર પડી જાય છે અને યુવાન પડતાં જ અફરાતફરીનો માહોલ સર્જાયો હતો. એ બાદ મહેમાનો તેને તાત્કાલિક હોસ્પિટલ લઈ ગયા હતા જ્યાં ડોક્ટરોએ 19 વર્ષના યુકવને મૃત જાહેર કર્યો હતો. જણાવી દઈએ કે તબીબોનું કહેવું છે કે યુવકને હાર્ટ એટેક આવ્યો હોવો જોઈએ.
નોંધનીય છે કે તેલંગાણામાં ચાર દિવસમાં આ બીજી ઘટના છે. આ પહેલા 22 ફેબ્રુઆરીએ હૈદરાબાદના એક જીમમાં કસરત કરતી વખતે 24 વર્ષીય પોલીસ કોન્સ્ટેબલનું હાર્ટ એટેકથી મૃત્યુ થયું હતું.