કોવિડ 19 / મોદી સરકારના વધુ એક કેન્દ્રીય મંત્રી થયા કોરોના સંક્રમિત, તેમની ઓફિસે આપી જાણકારી 

• રામદાસ અઠાવલે કેન્દ્ર સરકારમાં મંત્રી છે
• ગો કોરોના ગો.. નારા લગાવીને ચર્ચામાં આવ્યા હતાં
• કોરોના સંક્રમિત થયા બાદ હોસ્પિટલમાં દાખલ કરાયા હતા 

કેન્દ્રીય પ્રધાન અને રિપબ્લિકન પાર્ટી ઓફ ઇન્ડિયા ના પ્રમુખ રામદાસ અઠાવલે કોરોનાથી સંક્રમિત થયા છે. મંગળવારે પોઝીટીવ રિપોર્ટ આપ્યા બાદ અઠાવલેને બોમ્બે હોસ્પિટલમાં સારવાર માટે દાખલ કરવામાં આવ્યા છે. 

'ગો કોરોના ગો' ના નારાથી આવ્યા હતા ચર્ચામાં

કેન્દ્રીય પ્રધાનની કચેરીએ આ માહિતી ન્યૂઝ એજન્સી ANI ને આપી હતી. રામદાસ અઠાવલે એ 'ગો કોરોના ગો' ના નારા લગાવ્યા હતા, જે વિડીયો સોશિયલ મીડિયા પર એકદમ વાયરલ થઈ ગયો હતો. જેના લીધે તેઓ ખૂબ જ ચર્ચામાં પણ આવ્યા હતા. 

મહારાષ્ટ્રના ટોચના ત્રણ રાજકારણીઓ કોવિડ પોઝિટીવ

થોડા જ દિવસો પહેલા મહારાષ્ટ્રના ટોચના રાજકારણીઓ કોરોના સંક્રમિત થયા છે, આ પહેલા મહારાષ્ટ્રના ડેપ્યુટી સીએમ અજિત પવાર અને પૂર્વ સીએમ દેવેન્દ્ર ફડણવીસ નો કોરોના રિપોર્ટ પોઝીટીવ આવ્યો હતો, અને હવે કેન્દ્રીય મંત્રી રામદાસ અઠાવાલે કોરોના પોઝીટીવ આવ્યા છે. આમ અત્યાર સુધી મહારાષ્ટ્રની સામાન્ય જનતામાં જ રહેલો કોરોના હવે રાજકારણની દિશામાં વળ્યો હોય તેવું જણાઈ રહ્યું છે.