યાહૂમાં કામ કરતા કર્મચારીઓને જાણ કરવામાં આવી હતી કે કંપનીના 12 ટકા એટલે કે એક હજાર કર્મચારીઓને દિવસના અંત સુધીમાં કંપનીમાંથી બહારનો રસ્તો બતાવી દેવામાં આવ્યો હતો.
યાહૂએ(Yahoo) પોતાના 20 ટકાથી વધુ કર્મચારીઓની કંપનીમાંથી છટણી કરી
Yahoo ની છટણી આ કર્મચારીઓને અસર કરશે
છટણીનો નિર્ણય આર્થિક સમસ્યાઓનું પરિણામ નથી
Yahoo Layoff: છટણીનો તબક્કો હજુ પણ એ જ રીતે ચાલુ છે, દરરોજ કોઈક મોટી કંપનીમાં કોસ્ટ કટિંગ એટલે કે ખર્ચમાં કાપ મૂકવાની જાહેરાત થાય છે. ટૂંકમાં કહી તો કંપનીના ખર્ચને ઘટાડવા માટે કર્મચારીઓને મોટા પાયા પર કાઢી મૂકવા માટેની જાહેરાત કંપનીઓ કરી રહી છે. તમને જણાવી દઈએ કે હવે યાહૂએ (Yahoo)પણ પોતાના 20 ટકાથી વધુ કર્મચારીઓની કંપનીમાંથી છટણી કરી દીધી છે.
Yahoo ની છટણી (Yahoo Layoff )આ કર્મચારીઓને અસર કરશે
જણાવી દઈએ કે કંપનીમાં મોટા પાયે છટણીથી 20 ટકા અથવા 1600 થી વધુ એડ ટેક એમ્પલોઇને અસર થશે, નોંધનીય છે કે આ અંગેની માહિતી તાજેતરના એક અહેવાલ દ્વારા સામે આવી છે. આ સાથે જ ગુરુવારે યાહૂમાં કામ કરતા કર્મચારીઓને જાણ કરવામાં આવી હતી કે કંપનીના 12 ટકા એટલે કે એક હજાર કર્મચારીઓને આજે દિવસના અંત સુધીમાં કંપનીમાંથી બહારનો રસ્તો બતાવી દેવામાં આવશે. જો કે વાત અંહિયા નથી અટકતી, કંપનીએ આ સતહે જ જાહેરાત કરી છે કે આવનાર 6 મહિનામાં કંપની બાકીના 8 ટકા એટલે કે 600 લોકોને પણ નોકરીમાંથી કાઢી મૂકવામાં આવશે. રિપોર્ટ મુજબ બહાર અવાયું છે કે યાહૂના આ મોટા નિર્ણયને કારણે કંપનીના એડ ટેક બિઝનેસમાં કામ કરતા કર્મચારીઓને ખરાબ અસર થશે.
છટણીનો નિર્ણય આર્થિક સમસ્યાઓનું પરિણામ નથી
નોંધનીય છે કે ટેકક્રંચના અહેવાલ મુજબ એક્સિઓસ સાથેના એક ઇન્ટરવ્યુમાં, યાહૂના સીઇઓ જિમ લેન્ઝોને કહ્યું હતું કે 'આ છટણીનો નિર્ણય આર્થિક સમસ્યાઓનું પરિણામ નથી. પણ બિઝનેસ એડવર્ટાઇઝિંગ યુનિટ માટે યાહૂને શક્ય તેટલું નફાકારક બનાવવાનો ઇરાદાપૂર્વક આ નિર્ણય લેવામાં આવ્યો છે. Yahooમાં છટણીની જાણ સૌથી પહેલા Axios એ કરી હતી. આ સાથે જ જણાવી દઈએ કે કંપની હાલના એક વર્ષમાં લગભગ 8 બિલિયન ડોલરની કમાણી કરી રહી છે.
આ કંપનીએ પણ કરી મોટા પ્રમાણમાં છટણી
જણાવી દઈએ કે યાહૂ પહેલા ડિઝનીએ પણ છટણીને લઈને જાહેરાત કરતાં કહ્યું હતું કે કંપનીએ 7 હજાર લોકોને કંપનીમાંથી બહારનો રસ્તો બતાવ્યો છે. સાથે જ ડિઝનીની છટણીનું કારણ કંપનીના કુલ સબ્સ્ક્રાઇબર્સમાં થયેલા ઘટાડાને કારણભૂત ગણવામાં આવે છે. એ કારણે ગયા વર્ષે કંપનીને ભારે નુકસાન સહન કરવું પડ્યું હતું.