અમેરિકાથી વિદાય પહેલાં ડોનાલ્ડ ટ્રમ્પે ચીનને વધુ એક ઝટકો આપ્યો છે. અમેરિકાના વાણિજ્ય મંત્રાલયે ચીનની સેમીકંડક્ટર મેન્યુફેક્ચરિંગ ઈન્ટરનેશનલ કોર્પોરેશન સહિત 59 વૈજ્ઞાનિક અને ઔધ્યોગિક ઉત્પાદન કંપનીઓ પર પાબંધી લગાવવાની જાહેરાત કરી છે. અમેરિકાએ આ કંપનીઓને રાષ્ટ્રિય સુરક્ષા માટે ખતરો ગણાવ્યો છે.
ચીનને ટ્રમ્પને વધુ એક ઝટકો
ડોનાલ્ડ ટ્રમ્પની વિદાય પહેલાંનો મોટો નિર્ણય
ચીની કંપનીઓ પર જાસૂસી અને PLA સાથેના સંહંધોનો આરોપ
આ કારણે જરૂરી હતી SMIC પર કાર્યવાહી
વાણિજ્ય વિભાગમાં ઉદ્યોગ અને સુરક્ષા બ્યૂરોની તરફથી આવેલા નિવેદનમાં કહેવાયું છે કે SMIC સહિત 59 કંપનીઓના એક્સપોર્ટ કંટ્રોલ એંટિટી લિસ્ટમાં એટલા માટે મૂકાયું છે કે તેમના ચીને સેનાથી સંબંધ સામે આવ્યા છે. વાણિજ્ય સચિવ વિલ્વર રોસે કહ્યું કે ચીનના પોતાના સૈન્ય આધુનિકીકરણના મામટે અમેરિકી પ્રોદ્યોગિકીનો લાભ લે છે પણ હવે એવું નહીં થાય. અમે દરેક કંપનીઓ પર કાર્યવાહી કરીશું જે ચીનની સેનાઓ સાથે જોડાયેલી છે. તેઓએ કહ્યું કે આ નક્કી કરવા માટે SMIC અમેરિકી ટેક્નોલોજીથી ચીનની પીપિલ્સ લિબરેશન આર્મીને મજબૂત ન કરે. તેને આ લિસ્ટમાં રાખવી જરૂરી હતું.
અનેક અન્ય કંપનીઓ પણ છે ટારગેટમાં
આ જાહેરાત બાદ વિદેશમંત્રી માઈક પોમ્પિયોએ કહ્યું કે દક્ષિણ ચીન સાગરમાં ચીનની દાદાગીરી ખતમ કરવા માટે કેટલાક પગલાં લેવાઈ રહ્યા છે. તેઓએ કહ્યું કે વાણિજ્ય વિભાગ ચીનના શીપ બિલ્ડિંગ કોર્પોરેશનથી સંબંધિત 25 શિપબિલ્ડિંગ રિસર્ચ સંસ્થાને એંટિટી લિસ્ટમાં રાખશે. આ સિવાય અન્ય 6 સંસ્થાઓ પર પણ કાર્યવાહી કરશે જે પીપૂલ્સ લિબરેશન આર્મીને અનુસંધાન, વિકાસ અને વિનિર્માણમાં મદદ કરે છે.
માનવઅધિકારોનું ઉલ્લંઘન નહીં ચલાવાય
પોમ્પિયોએ કહ્યું કે માનવાધિકારના ઉલ્લંઘનને લીને ચીનની 4 કંપનીઓની વિરુદ્ધમાં પ્રતિબંધ લગાવાશે. તેઓએ કહ્યું કે ચીનને વીગર મુસ્લિમ સહિત દરેક અલ્પસંખ્યકોનું સમ્માન કરવું જોઈએ. અમેરિકા માનવ અધિકારોના સંરક્ષણને લઈને પ્રતિબદ્ધ છે અને સાથે તેમનું ઉલ્લંઘન કરનારાના વિરોધમાં કાર્યવાહી કરાશે. ચીનમાં મોટા પાયે વીગર મુસલમાનોનું શોષણ કરાય છે અને તેમને કેદીઓની જેમ શિવિરોમાં રાખવામાં આવ્યા છે.