સાવધાન / વોટસએપ પર અજાણ્યા નંબર પરથી આવેલો વિડીયો ડાઉનલોડ કરતાં નહીં નહીંતર...

• વોટસએપના યુઝર્સની પ્રાઇવેસી ફરી ખતરામાં
• હેકર્સ મોકલી રહ્યા પેગાસસ જેવા સ્પાયવેર
• વોટસએપના યુઝર્સના ડેટાની થઇ શકે છે ચોરી 

બીજી બાજુ હોલમાં એક એવો ખુલાસો થયો છે કે હેકર્સ પેગાસસ જેવા સ્પાયવેર દ્વારા એમપી 4 વીડિયો મોકલીને લોકોના વોટ્સએપ હેક કરી રહ્યા છે. હેકર્સ લોકોને નિશાન બનાવવા માટે તેમના વોટ્સએપ પર અજાણ્યા નંબર પરથી માલવેર (વાયરસ )વાળી એમપી 4 વિડિઓ ફાઇલો મોકલે છે. અજાણ્યો નંબર હોવા છતાં ઘણાખરા યુઝર્સ માત્ર કુતુહલ ખાતર વિડીયો
ડાઉનલોડ કરે છે. વિડીયો ડાઉનલોડ કરતાં વ્યક્તિગત ડેટા હેક થઈ જાય છે.

અજાણ્યા નંબર પરથી આવેલ વીડિયો વાયરસ હોઇ શકે છે 

ભારતની કમ્પ્યુટર ઇમર્જન્સી રિસ્પોન્સ ટીમ (સીઈઆરટી) ને જ્યારે આ ધમકી વિશે જાણ થઈ ત્યારે તેણે તાત્કાલિક વાયરસને હાઇરિસ્કની કેટેગરીમાં મુક્યો છે. આ બાબતે વોટસએપની માલિકી ધરાવતા ફેસબુકે કહ્યું હતું કે બફર ઓવરફ્લોને કારણે વોટ્સએપ એમપી 4 ફોર્મેટમાં વીડિયોથી ડેટા ચોરી થઈ શકે છે. સીઇઆરટીને પેગાસસના એટેક દરમિયાન વિડિઓથી હેકિંગ વિશે જાણકારી મળી હતી. 

હેકર્સ સરળતાથી ડોસ, એન્ડ્રોઇડ, આઇઓએસ અને વિન્ડો પ્લેટફોર્મને કરી શકે છે હેક

રિપોર્ટ અનુસાર ટેકનિકલ ખામીનો લાભ લઈને હેકર્સ સરળતાથી ડોસ, એન્ડ્રોઇડ, આઇઓએસ અને વિન્ડો પ્લેટફોર્મને હેક કરી શકે છે. સાયબર એટેકર્સ વાયરસવાળા વિડિયોને મોકલીને ખાસ પ્રોગ્રામ અથવા એપ્લિકેશન ઇન્સ્ટોલ કરે છે. જો કે આ સમસ્યાને ઠીક કરવા માટે વોટસએપે નવું સિક્યુરિટી પેચનું એપડેટ રિલીઝ કરી દીધું છે. 

તાત્કાલિક અસરથી વોટસએપ કરવું અપડેટ 

તેથી વોટસએપ અપડેટ ના કર્યું હોય તો તાકીદે અપડેટ કરી દેવું જોઇએ. સોશિયલ મીડિયા કંપનીએ જોકે હેકિંગ સંબંધિત વધુ માહિતી શેર કરી નથી. જાણકારોના જણાવ્યા અનુસાર નવા માલવેરથી હેકર્સ ડેટા ચોર્યા ઉપરાંત કેમેરાનો ઉપયોગ કરીને યુઝરનો ફોટો પણ કલિક કરી શકે છે.આ સિવાય કોલ દ્વારા પણ ફોનને હેક કરી શકાય છે.