સુરત / IAS આયુષ ઓક સામે વધુ એક સણસણતો આરોપ, 5-10 લાખ નહીં આટલા લાખની માંગી લાંચ

સુરતના તત્કાલિન કલેક્ટર આયુષ ઓક સામે વધુ એક કૌભાંડનો આક્ષેપ થયો છે. આયુષ ઓકે પાલનપોરની જમીન બિનખેતી કરવા માટે 50 લાખની લાંચ માંગી હોવાની ફરિયાદ સરકારને કરવામાં આવી છે.

50 લાખની લાંચ માંગી હોવાનો આક્ષેપ

પાલનપોર વિસ્તારમાં આવેલ બ્લોક નં-201 વાળી જમીનના માલિકે બિનખેતી કરવા માટે અરજી કરી હતી. આ અંગે જમીન માલિક જયેશ પટેલે તત્કાલિન કલેક્ટર આયુષ ઓક અને ચીટનીશ મામલતદાર જિગ્નેશ જીવાણી સામે 50 લાખની લાંચ માંગી હોવાનો આક્ષેપ કરી સરકારને ફરિયાદ કરી છે.

આ પણ વાંચો: રોંગ સાઈડ આવતી કારે મા-દીકરાને 10 ફૂટ ઊંચે હવામાં ફંગોળ્યા, અકસ્માતનો ખૌફનાક વીડિયો વાયરલ

ડુમસ વિસ્તારની જમીનનો પણ આક્ષેપ

સુરતના ડુમસ વિસ્તારની 2.17 લાખ ચોરસ મીટર જમીનમાં ખાનગી વ્યક્તિનું નામ દાખલ કરાવીને બે હજાર કરોડ રૂપિયાનો ખેલ પાડી દેવામાં આવ્યો હોવાનો આક્ષેપ છે. જે જમીનમાં વર્ષોથી ખાતેદાર ન હતા. તે જમીનમાં એકાએક ખાતેદાર ઉભા કરવામાં આવ્યા છે. એથી પણ વધુ ગંભીર બાબત એ છે કે, સુરતના પૂર્વ કલેકટર રાજેન્દ્રકુમાર દ્વારા આ જમીન સરકારી હોવાનું સ્પષ્ટ ઉલ્લેખ કર્યો હતો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ