Pegasus Snooping / પેગાસસ જાસૂસીકાંડમાં બીજો ઘટસ્ફોટ, આ સરકારી અધિકારીઓની પણ જાસૂસી કરાઈ, નામ જાણીને ચોંકી જશો

• પેગાસસ જાસૂસી લીસ્ટમાં વધુ કેટલાક નામો ખુલ્યા
• બીએસએફના પૂર્વ ડીજી કેકે શર્મા, ઈડીના અધિકારી રાજેશ્વરની જાસૂસી થઈ
•  દિલ્હીના સીએમ કેજરીવાલના પૂર્વ સહયોગીનું નામ પણ સામેલ 

ધ વાયરના સોમવારે પ્રસિદ્ધ રિપોર્ટમાં જણાવાયું કે આ લોકોના ફોન નંબરોને પણ જાસૂસીની યાદીમાં સામેલ કરાયા હતા. તે ઉપરાંત ભારતીય ગુપ્તચર એજન્સી રોના પૂર્વ અધિકારી અને પીએમઓના એક અધિકારીના નામ પણ સામેલ છે. રિપોર્ટમાં દાવો કરાયો કે સેનાના બે કર્નલોના ફોન નંબરો પણ જાસૂસીની યાદીમાં સામેલ કરાયા હતા. 

પેગાસસ સ્પાઈવેર દ્વારા કુલ 50,000 નંબરોનો ડેટાબેઝ તૈયાર કરાયો હતો

રિપોર્ટમાં એવો પણ દાવો કરાયો કે પેગાસસ સ્પાઈવેર દ્વારા કુલ 50,000 નંબરોનો ડેટાબેઝ તૈયાર કરાયો હતો. ફ્રાન્સના નોન પ્રોફિટ ફોરબિડન સ્ટોરેજને સૌથી પહેલા આ ડેટા મળ્યો હતો. ફ્રાન્સની આ સંસ્થાએ ભારત સહિત 10 દેશોના મીડિયા સંસ્થાનો સાથે આ માહિતી શેર કરી હતી. આ લિસ્ટમાં સામેલ નંબરોનો ઉપયોગ કરનાર 67 ડિવાસિસની તપાસ કરાઈ હતી અને તેમાંથી 37 ની પેગાસિસ તરફથી જાસૂસી કરાઈ હતી. આ 37 નંબરોમાંથી 10 ભારતના હોવાનું કહેવાય છે. 

બીએસએફના ડીજી કેકે શર્માનું નામપ સંભવિત ટાર્ગેટના લિસ્ટમાં હતું.

ધ વાયરના રિપોર્ટ અનુસાર બીએસએફના ડીજી કેકે શર્માનું નામપ સંભવિત ટાર્ગેટના લિસ્ટમાં હતું. 1982 ની બેચના આઈપીએસ અધિકારીના બીએસએફના ડીજી બન્યા બાદ એક મહિના બાદ તેમને આ લિસ્ટમાં સામેલ કરાયા હતા.