વડોદરાના સિંધરોટથી વધુ એક વખત ડ્રગ્સનો જથ્થો ઝડપ્યો; ગુજરાત ATSએ વધુ એક વખત ડ્રગ્સનો જથ્થો ઝડપ્યો, અગાઉ પકડાયલ ફેકટરીની બાજુમાંથી બીજી ફેકટરી ઝડપાઈ
વડોદરાના સિંધરોટથી વધુ એક વખત ડ્રગ્સનો જથ્થો ઝડપ્યો
ગુજરાત ATSએ વધુ એક વખત ડ્રગ્સનો જથ્થો ઝડપ્યો
અગાઉ પકડાયલ ફેકટરીની બાજુમાંથી બીજી ફેકટરી ઝડપાઈ
છેલ્લા કેટલાક સમયથી વડોદરાની આસપાસ ડ્રગ્સ બનાવવાની ફેક્ટરીઓ પકડાઈ રહી છે અને વડોદરા ડ્રગ્સ મેકિંગનું એપી સેન્ટર તરીકે કુખ્યાત થઈ રહ્યું હોય તેવું આવી ઘટનાઓથી લાગી રહ્યું છે. વડોદરાના સિંઘરોટમાં ડ્રગ્સ ફેક્ટરી ઝડપાઈ હતી. ત્યારે હવે સળંગ બીજા દિવસે ડ્રગ્સ તૈયાર કરવાનું લિક્વીડ કબજે કરવામાં આવ્યુ છે. સાથે ફેક્ટરીમાં તૈયાર થયેલુ ડ્રગ્સ દુબઈ પહોંચે તે પહેલા જ ઝડપી લેવામાં આવ્યું છે.
વડોદરાના સિંઘરોટમાંથી વધુ એક વખત ડ્રગ્સનો જથ્થો ઝડપ્યો
વડોદરાના સિંઘરોટમાં ડ્રગ્સ ફેક્ટરી ઝડપાઈ હતી ત્યારબાદ હવે આજે સળંગ બીજા દિવસે ગુજરાત ATSએ સિંધરોટ ગામના ખેતરમાંથી ડ્રગ્સની ફેકટરીની બાજુમાંથી જ ડ્રગ્સની બીજી ફેકટરી પકડી પાડી છે. જેમાં ડ્રગ્સ અને અંદાજિત 32થી વધુ બેરલ કેમિકલ ATSની ટીમે જપ્ત કર્યા છે. સિંધરોટની સીમમાં હાથ ધરેલા ઓપરેશનમાં ATS, જિલ્લા SOG અને તાલુકા પોલીસની ટીમ જોડાઈ હતી. સાથે FSLની ટીમ પણ સ્થળ પર તપાસ માટે પહોંચી હતી. આ સાથે ATSએ અગાઉ ફરાર થયેલા 2 આરોપીઓની પણ અટકાયત કરી લીધી છે.
આરોપી અન્ય એક યુનિટ શરૂ કરવાની તૈયારીમાં હતો
તમને જણાવી દઈએ કે, ગઈકાલે સિંધરોટની સીમમાં મહીસાગરના કાંઠે આવેલા ખેતરમાં ઊભી કરાયેલી ફેક્ટરીમાં એટીએસે રેડ કરી 63 કિલો 613 ગ્રામ એમડી ડ્રગ્સ અને એમડી ડ્રગ્સ બનાવવાનું 80 કિલો જેટલું લિક્વિડ મટિરિયલ કબજે કર્યું હતું. જે કેમિકલની કિંમત પણ કરોડોમાં થાય છે. સાથે જ ડ્રગ્સ બનાવવા માટે વપરાતી સામગ્રી પણ કબજે કરી છે. એટલે કે આરોપી અન્ય એક યુનિટ શરૂ કરવાની તૈયારી કરી રહ્યા હોવાનુ પોલીસ માની રહી છે, સાથે જ ડ્રગ્સ કેસમાં વડોદરા, મુંબઈ અને નડિયાદ બાદ દુબઈનુ નેટવર્ક ખૂલ્યુ છે. સાથે જ દુબઈથી કેટલા રૂપિયા હવાલા મારફતે આવ્યા છે. તેની પણ તપાસ થઈ રહી છે.
જો કે, હાલ ડ્રગ્સની ફેક્ટરી મળ્યા બાદ એટીએસે કુલ 6 આરોપીને ઝડપી લીધા છે, જેમાં એમડી ડ્રગ્સની ફેક્ટરી ચલાવવાનો મુખ્ય સૂત્રધાર આરોપી સૌમિલ પાઠક છે સાથે જ મુંબઈ અને દુબઈના ડ્રગ્સ ડિલરોની સંડોવણી પણ સામે આવી છે. પરંતુ સૌથી મોટો સવાલ છે કે, ડ્રગ્સ બનાવવાનો રો મટીરીયલનો લિક્વિડ ફોર્મનો આટલો મોટો જથ્થો પોલીસને થાપ આપીને અહીં કેવી રીતે પહોંચી ગયો?