કાર્યવાહી / આવા ઠગબાજોને ઓળખી લેજો.! PMના સલાહકારની ઓળખ આપી 16 લાખ રૂપિયા પડાવ્યા, પાંડેની ધરપકડ

• PMના સલાહકાર તરીકે આપતો ઓળખ
• 3 કંપની પાસેથી 16 લાખ પડાવ્યા!
• IAS અધિકારી તરીકે પણ આપી ઓળખ

ભલભલાને બાટલીમાં ઉતારી દેનાર ઠગોનો એક બાદ એક કારનામા બહાર આવી રહ્યાં છે. મહાઠગ કિરણ પટેલ, હિતેશ ઠાકર બાદ વધુ એક નકલી અધિકારીની ઓળખ આપનારો ઝડપાયો છે. PMના સલાહકારની ઓળખ આપી છેતરપિંડી કરનારો આરોપી ઝડપાયો છે.

વેપારી પાસેથી પડાવ્યા રૂપિયા
દિવસેને દિવસે ઠગોની વિવિધ કળા તેમજ કારનામા ઉજાગર થઈ રહ્યા છે. ત્યારે અમદાવાદમાંથી નકલી IAS અધિકારી હોવાનો તેમજ PMના સલાહકારની ઓળખ આપી છેતરપિંડી આચરનાર ઝડપાયો છે. ફરી એક કિરણ પટેલ ફૂટી નીકળ્યો હોવાનો બનાવ પ્રકાશમાં આવતાં સનસનાટી મચી જવા પામી છે. જો કે, અલગ અલગ વિભાગના અધિકારી તરીકે સુધાકર પાંડેની ઓળખ આપતો હતો.

સાયબર ક્રાઇમે ગુનો નોંધી હાથ ધરી તપાસ 
IAS અધિકારી હોવાની ઓળખ આપી 3 વેપારી પાસે રૂપિયા પડાવ્યાની ઘટના સામે આવી છે. અધિકારીની ઓળખ આપી કંપનીના માલિકો પાસેથી રૂપિયા પડાવ્યા છે. 3 કંપની પાસેથી 16 લાખ રૂપિયા પડાવનાર સુધાકર પાંડેની ધરપકડ કરાઈ છે. સાયબર ક્રાઇમે ગુનો નોંધી વધુ તપાસ હાથ ધરી છે.