ભારતમાં કોરોનાના નવા પ્રકાર ઓમિક્રોનના કેસ હવે વધવા લાગ્યા છે.ત્યારે નિષ્ણાંતોએ કહ્યું આ વેરિયન્ટ હવે બે ભાગોમાં વિભાજીત થઈ ગયો છે
દેશમાં કોરોનાનો નવો વેરિયન્ટ ઓમિક્રોનના કેસ હવે વધવા લાગ્યા
હવે આ વેરિયન્ટને લઈને એક મોટી વાત સામે આવી છે.
આ વેરિયન્ટ હવે બે ભાગોમાં વિભાજીત થઈ ગયો છે
દેશમાં ઓમિક્રોનના કેસોમાં વધારો થવા લાગ્યો
ભારતમાં કોરોનાના નવા પ્રકાર ઓમિક્રોનના કેસ હવે વધવા લાગ્યા છે. આ વેરિયન્ટનું ઝડપથી ફેલાવાનું મુખ્ય કારણ તેની અસામાન્ય રીતે મ્યૂટેટ થવાનું છે. વૈજ્ઞાનિકોએ ચેતવણી આપી છે કે, આ વાયરસમાં ખૂબ જ મ્યૂટેશન હોવાથી રી-ઈન્ફેક્શન પણ થઈ શકે છે. હવે આ વેરિયન્ટને લઈને એક મોટી વાત સામે આવી છે. આ વેરિયન્ટ હવે બે ભાગોમાં વિભાજીત થઈ ગયો છે.
ઓમિક્રોનનો સૌથી પહેલો કેસ 8 નવેમ્બરે દક્ષિણ આફ્રિકામાં આવ્યો હતો
ઓમિક્રોનમાં લગભગ 50થી વધુ મ્યુટેશન છે. તેનું કહેવું છે કે, આનો સૌથી પહેલો કેસ 8 નવેમ્બરે દક્ષિણ આફ્રિકામાં આવ્યો હતો. ત્યાર બાદથી તે ભારત સહિત 34 દેશોમાં ફેલાઈ ચૂક્યો છે. નિષ્ણાંતોનું કહેવું છે કે,ઓમિક્રોનના વંશમાં વિભાજન વૈજ્ઞાનિકો માટે સૌથી વધુ રસપ્રદ વિષય છે.કારણ કે તે રોગચાળાને વધુ સારી રીતે સમજવામાં મદદ કરશે.આ વાતથી લોકોએ ગભરાવવાની જરૂર નથી.
ઓમિક્રોનના નવા પ્રકારને શોઘવું ખુબ મુશ્કેલ છે.
કોરોનાનો નવો વેરિયન્ટ ઓમિક્રોનનો સૌથી પહેલો કેસ દક્ષિણ આફ્રિકામાં મળી આવ્યો હતો. WHOએ ઓમિક્રોન(B.1.1.529)ને વેરિયન્ટન ઓફ કન્સર્ન યાદીમાં મુકવામાં આવ્યું છે. હવે આ વેરિયન્ટ લઈને એક મોટી વાત સામે આવી છે.B.1.1.529 વેરિયન્ટ બે ભાગોમાં BA.1 અને BA.2.માં વહેચાય ગયા છે. વાયરોલોજિસ્ટના જણાવ્યા અનુસાર ઓમિક્રોનનું નવું લીનિએજ BA.2ના નવા ઘણા મામલા દક્ષિણ આફ્રિકા,ઓસ્ટ્રેલિયા અને કેનેડામાં જોવા મળી રહ્યાં છે. વૈજ્ઞાનિકોનું કહેવું છે કે, ઓમિક્રોનના નવા પ્રકારને શોઘવું ખુબ મુશ્કેલ છે.
આ પહેલા ડેલ્ટા વેરિયન્ટ પણ બે અને પછી ત્રણ ભાગમાં વિભાજીત થયો હતો
આ પહેલા ડેલ્ટા વેરિયન્ટ B.1.617.2.માં પહેલા બે અને પછી ત્રણ ભાગમાં વિભાજીત થયા હતાં. જેમાં ડેલ્ટા પ્લસ પણ સામેલ થઈ ગયાં હતાં. બાદમાં લગભગ 100ની સંખ્યામાં ઘણા ભાગોમાં વિભાજીત કરવામાં આવ્યાં હતાં. પરંતુ સારી વાત એ છે કે, લોકોને તેનાથી કોઈ ખાસ નુક્સાન નથી પહોંચતું. ઓમિક્રોન વેરિયન્ટ અલગ-અલગ થતાં દિલ્હીના ઈન્સ્ટીટ્યુટ ઓફ જીનોમિક્સ એન્ડ ઈન્ટીગ્રેટિવ બાયોલોજીના વરિષ્ઠ વૈજ્ઞાનિક વિનોદ સ્કારિયાએ ટ્વિટ કર્યું છે. જેમાં તેઓએ લખ્યું છે કે, B.1.1.529 (ઓમિક્રોન) ભાગ અત્યાર સુધી BA.1 અને BA.2માં વિભાજીત થઈ ગયું છે. જેમાં BA.1માં મૂળ વંશ જ્યારે BA.2માં બહારના મળીને લગભગ 24 મ્યૂટેશન મળી આવ્યાં છે.
ઓમિક્રોનના આ નવા રૂપને ઓળખવું વધુ મુશ્કેલ થઈ શકે છે.
ઓમિક્રોનના આ બે વંશોને તેમના મ્યૂટેશનના આધારે વિભાજીત કરવામાં આવ્યાં છે. તેમના કેટલાક મ્યૂટેશન બંને વેરિયન્ટસમાં સામાન્ય છે.પરંતુ આમાંના કેટલાક અલગ અલગ છે. મહત્વનું છે કે, વંશ(B.1)માં એસ જીન નથી મળતો જેનું આરટી-પીસીઆરના માધ્યમથી ઓમિક્રોન વેરિયન્ટ જાણી શકાય છે.જ્યારે બીજી બાજુ BA.2માં એસ જીનની અનુપસ્થિતિનું ખબર જ નથી પડતી એટેલે કે,ઓમિક્રોનના આ નવા રૂપને ઓળખવું વધુ મુશ્કેલ થઈ શકે છે.