ષડ્યંત્ર / નૂપુર શર્માના સમર્થનમાં પોસ્ટ કરવા બદલ વધુ એક હત્યાની આશંકા, અમરાવતીમાં ઉદયપુર કાંડ જેવી ઘટના 

• ઉદયપુરના કન્હૈયાલાલની હત્યા જેવી જ ઘટના મહારાષ્ટ્ર બની ? 
• અમરાવતીમાં ઉદયપુર કાંડ જેવી ઘટના ? પોલીસ તપાસ શરૂ 
• નુપુર શર્માને સમર્થન કરતી પોસ્ટના બદલામાં કરાઇ હત્યા ? 

ઉદયપુરમાં દરજી કન્હૈયાલાલની હત્યા જેવી જ ઘટના મહારાષ્ટ્ર બની હોવાની શક્યતા સામે આવી છે. વાત જાણે એમ છે કે, દરજી કન્હૈયાલાલની હત્યા ના એક અઠવાડિયા પહેલા, 21 જૂને મહારાષ્ટ્રના અમરાવતી જિલ્લામાં 54 વર્ષીય કેમિસ્ટ ઉમેશ પ્રહલાદરાવ કોલ્હેની હત્યા કરવામાં આવી હતી.  જોકે હવે આ કેસની તપાસ કરી રહેલી ટીમ એવું માને છે કે, કોલ્હેની હત્યા કથિત રીતે ભાજપની નુપુર શર્માને સમર્થન કરતી સોશિયલ મીડિયા પોસ્ટના બદલામાં કરવામાં આવી હતી.

અમરાવતી પોલીસ સ્ટેશનમાં નોંધાઈ છે ફરિયાદ

મહારાષ્ટ્રના અમરાવતી જિલ્લામાં 54 વર્ષીય કેમિસ્ટ ઉમેશ પ્રહલાદરાવ કોલ્હેની હત્યા બાદ તેમના પુત્ર સંકેત કોલ્હેએ અમરાવતીના સિટી કોતવાલી પોલીસ સ્ટેશનમાં કેસ નોંધવામાં આવ્યો છે. 23 જૂને મુદસ્સીર અહેમદ અને 25 વર્ષીય શાહરૂખ પઠાણ નામના બે લોકોની ધરપકડ કરવામાં આવી હતી. તેમની પૂછપરછમાં વધુ ચાર લોકોની સંડોવણી બહાર આવી હતી. તેમાંથી ત્રણ અબ્દુલ તૌફીક (24), શોએબ ખાન (22) અને અતીબ રશીદની 25 જૂને ધરપકડ કરવામાં આવી હતી. એક શમીમ અહેમદ ફિરોઝ અહેમદ હજુ ફરાર છે.

ક્યારે બની હતી ઘટના ? 

આ ઘટના 21 જૂને રાત્રે 10 થી 10.30 વાગ્યાની વચ્ચે બની હતી જ્યારે ઉમેશ તેની દુકાન 'અમિત મેડિકલ સ્ટોર' બંધ કરીને ઘરે જઈ રહ્યો હતો. સંકેત તેની પત્ની વૈષ્ણવી સાથે બીજા સ્કૂટર પર સવાર હતો. સંકેતે જણાવ્યું હતું કે, 'અમે પ્રભાત ચોકથી જઈ રહ્યા હતા અને અમારા સ્કૂટર વિમેન્સ કોલેજ ન્યૂ હાઈસ્કૂલના ગેટ પાસે પહોંચ્યા. મારા પિતાની સ્કૂટી સામે એક મોટરસાઇકલ પર આવેલા બે માણસો અચાનક આવી ગયા. તેઓએ મારા પિતાની બાઇક રોકી હતી અને તેમાંથી એકે તેમના ગળાની ડાબી બાજુએ છરી વડે હુમલો કર્યો હતો. મારા પિતા પડી ગયા અને લોહી વહેવા લાગ્યું. મેં મારું સ્કૂટર રોક્યું અને મદદ માટે બૂમો પાડવા લાગી. અન્ય એક વ્યક્તિ આવ્યો અને ત્રણેય મોટરસાઇકલ પર સ્થળ પરથી ભાગી ગયા." આસપાસના લોકોની મદદથી, કોલ્હેને નજીકની એક્સન હોસ્પિટલમાં લઈ જવામાં આવ્યો જ્યાં સારવાર દરમ્યાન તેમનું મૃત્યુ થયું.

શુ કહ્યું અમરાવતી પોલીસે ? 

અમરાવતી શહેર પોલીસના એક વરિષ્ઠ પોલીસ અધિકારીએ જણાવ્યું હતું કે, "અત્યાર સુધી ધરપકડ કરાયેલા પાંચ આરોપીઓએ અમને કહ્યું છે કે તેઓએ અન્ય આરોપીની મદદ લીધી હતી, જેમણે તેમને ભાગી જવા માટે એક કાર અને 10,000 રૂપિયા આપ્યા હતા." એક ફરાર આરોપીએ અન્ય પાંચને હત્યાની જવાબદારી સોંપી હતી, એમ અધિકારીએ જણાવ્યું હતું. તેણે તેમાંથી બેને કોલ્હા પર નજર રાખવા અને અન્ય ત્રણને જ્યારે તેઓ મેડિકલ સ્ટોરમાંથી બહાર આવ્યા ત્યારે ચેતવણી આપવા કહ્યું હતું. અન્ય ત્રણે કોલ્હેને રોકીને માર માર્યો હતો. સાકેતની ફરિયાદ બાદ સિટી કોતવાલી પોલીસ સ્ટેશનમાં એફઆઈઆર નોંધવામાં આવી હતી.

આ તરફ ઈન્ડિયન એક્સપ્રેસે સૂત્રોને ટાંકીને કહ્યું કે, “તપાસ દરમિયાન અમને જાણવા મળ્યું કે કોલ્હેએ વોટ્સએપ પર નુપુર શર્માનું સમર્થન કરતી પોસ્ટ કરી હતી. ભૂલથી તેણે મુસ્લિમ સભ્યો સાથેના જૂથ પર પણ  આ પોસ્ટ કરી દીધી જે તેના ગ્રાહક પણ હતા. ધરપકડ કરાયેલા એક આરોપીએ કહ્યું કે તે પ્રોફેટનું અપમાન છે અને તેથી તેને મરવું જોઈએ. પોલીસે છરી, મોબાઈલ ફોન, વાહન અને ગુનામાં વપરાયેલ કપડા કબજે કર્યા છે. તેમજ ઘટના સ્થળેથી સીસીટીવી ફૂટેજ પણ મેળવ્યા છે. પોલીસે કહ્યું, “અમે જપ્ત કરાયેલા ઈલેક્ટ્રોનિક ઉપકરણોને ડીએફએસએલને મોકલી દીધા છે. ટેકનિકલ પુરાવાઓની તપાસ ચાલુ છે. ધરપકડ કરાયેલા તમામ આરોપીઓ અને તેમના પરિવારના સભ્યોના બેંક ખાતા રિકવર કરવામાં આવ્યા છે અને તપાસ ચાલુ છે."

મારા પિતા ખૂબ જ આનંદી વ્યક્તિ હતા: સંકેત 

સંકેતે ધ ઈન્ડિયન એક્સપ્રેસ દ્વારા તેમના પિતાની હત્યા સોશિયલ મીડિયા પોસ્ટના કારણે થઈ શકે છે કે કેમ તે અંગે પૂછવામાં આવતા કહ્યું કે,   “મારા પિતા ખૂબ જ આનંદી વ્યક્તિ હતા. તેઓ ક્યારેય કોઈનું ખરાબ બોલતા નહોતા અને ન તો તેઓ કોઈ રાજકીય પક્ષ સાથે જોડાયેલા હતા. મેં એ પણ સાંભળ્યું છે કે, તેની સોશિયલ મીડિયા પોસ્ટના કારણે તેમની હત્યા કરવામાં આવી હતી, પરંતુ મેં તેમની ફેસબુક પ્રોફાઈલ તપાસી તો તેમાં કંઈ વાંધાજનક મળ્યું નથી. કારણ શું હતું તે તો પોલીસ જ કહી શકશે. હું ખાલી છું પરંતુ હું ચોક્કસ કહી શકું છું કે તેની હત્યા લૂંટ માટે કરવામાં આવી નથી.