રાહત / વધુ એક સ્વદેશી કોરોના વેક્સીન મળી અસરકારક, કંપનીએ માંગી સરકાર પાસે ત્રીજા ટ્રાયલની મંજૂરી

• વધુ એક સ્વદેશી વેક્સીન અસરકારક બની
• ઝાયડસ કેડિલાની વેક્સીન પહોંચી ત્રીજા ચરણમાં
• કંપનીએ સરકાર પાસે આ માટેની મંજૂરી માંગી
   

ઝાયડસ કેડિલાએ દાવો કર્યો છે તે તેમની ઝાયકોવ-ડી વેક્સીન પહેલા અને બીજા સ્ટેજના પરીક્ષણમાં સંપૂર્ણ રીતે સુરક્ષિત અને અસરકારક રહી છે. કોરોના વાયરસની પ્રતિરોધક ક્ષમતા વધારવામાં તેની અસરકારકતા વધારે છે. 

 
ઝાયડસ કેડિલાની વેક્સીન પહોંચી ત્રીજા ચરણમાં

કંપનીએ કહ્યું કે કોરોના વાયરસની સામે લડવા માટે જે પ્લાઝમિડ જીએનએ રસી, જાયકોવ ડીએ તૈયાર કરી છે તેને પહેલા અને બીજા પરીક્ષણમાં સુરક્ષિત અને પ્રતિરોધક ગણવામાં આવી છે. કંપનીએ કહ્યું કે વેક્સીન ત્રીજા ટ્રાયલ તરફ આગળ વધી રહી છે. સરકાર પાસેથી મંજૂરી મળ્યા બાદ 30000 સ્વયંસેવકો પર પરીક્ષણ કરવાની યોજના છે.
 

કંપનીના ચેરમેને આપ્યું આ નિવેદન

ઝાયડસના ચેરમેન પંકજ પટેલે કહ્યું કે આ સ્વદેશી વેક્સીન સુરક્ષિત છે અને કોરોના સંક્રમણથી રક્ષણ આપે છે. બંને ટ્રાયલના પરિણામો સરકાર સામે રજૂ કરાયા છે. આવનારા અઠવાડિયામાં પરિક્ષણોની સમીક્ષા બાદ આગળનો નિર્ણય લેવાશે.