મિશન SpaDex / સર્જાશે વધુ એક ઇતિહાસ! હવે અનડોકિંગની તૈયારીમાં ISRO, સામે આવ્યો સ્પેસ ડોકિંગ ટેસ્ટનો Video

ભારતીય અવકાશ સંશોધન કેન્દ્ર (ISRO) એ 16 જાન્યુઆરી 2025ના રોજ એક મહત્વપૂર્ણ મિશન શરૂ કર્યું, જેને SpaDeX (સ્પેસ ડોકીંગ પ્રયોગ) કહેવામાં આવ્યું છે. આ મિશનમાં ISRO એ દુનિયાભરમાં ટોપ 4 દેશોમાં સ્થાન મેળવ્યું છે, જેમણે અંતરિક્ષમાં બે ઉપગ્રહોને એકબીજાની સાથે સફળતાપૂર્વક જોડાવામાં (ડોકિંગ) સફળતા મેળવી છે.

ભારત બન્યું ચોથો દેશ

અત્યારે, ફક્ત 3 દેશો રશિયા, અમેરિકા અને ચીન જ અવકાશમાં ડોકીંગ મિશન કરી શક્યા હતા. ISRO હવે આ યાદીમાં ચોથા નંબર પર સ્થાન મેળવ્યું છે. આ ISRO માટે એક મહત્વપૂર્ણ પગલું છે, જે ભારતના ભાવિ સ્પેસ મિશનો માટે મહત્વપૂર્ણ સાબિત થશે.

મિશન માટે વૈજ્ઞાનિકોનો આત્મવિશ્વાસ

વિડિયોમાં ISROના વૈજ્ઞાનિકો તેમની મહેનતની સફળતા બાદ ખુશ જોવા મળી રહ્યા છે અને કેમ ના હોય કારણ કે આ સફળતા તેમના અને દેશ માટે ગર્વની વાત કહેવ્યા. ISROના વડા, વી નારાયણ, પણ આ મિશનને સફળ બનાવવા માટે ટીમને અભિનંદન આપી રહ્યા છે.

સ્પેસ મિશન માટે મહત્વ

આ ડોકીંગ ટેક્નોલોજી ભારતના ભવિષ્યના સ્પેસ મિશન માટે ખૂબ જ મહત્વપૂર્ણ છે. હવે ISRO ચંદ્રયાન-4, ગગનયાન, ભારતીય સ્પેસ સ્ટેશન અને ચંદ્ર પર માનવ અવકાશયાત્રી મોકલવાની તૈયારી કરી રહી છે. આ પ્રયોગ ભારતીય અવકાશ મિશન માટે એક મહત્વપૂર્ણ પગલું છે, જે આવતા કેટલાક વર્ષોમાં ભારતમાં અવકાશના ક્ષેત્રમાં વધુ આગળ વધવામાં મદદ કરશે.

આ પણ વાંચો : અમેરિકામાં TikTok પર BAN! સુપ્રીમ કોર્ટનો મહત્વનો ચુકાદો, હવે 17 કરોડ યુઝર્સની નજર ટ્રમ્પ પર

આવતીકાલ માટે વધુ પડકાર

આ મિશનની સફળતા પછી, ISRO આગામી દિવસોમાં બે અવકાશયાનને અનડોક કરવા અને પાવર ટ્રાન્સફરનું પરીક્ષણ કરશે. ISROના લક્ષ્ય છે કે 2035 સુધીમાં તેઓ પોતાનું ભારતીય સ્પેસ સ્ટેશન તૈયાર કરે. આ મિશનને આગળ વધાવતા, સ્પેસ ડોકીંગના પરિણામોને આધારે અન્ય અવકાશ મિશનોને વધુ સફળ બનાવવામાં મદદ મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ