વડોદરા / સંસ્કારી નગરીમાં વધુ એક ઘર્ષણની ઘટના, હવે પોલીસ અને ટોળાં વચ્ચે બબાલ, જાણો શું છે આખી ઘટના

• ભાદરવા ગામે પોલીસ અને ટોળા વચ્ચે ઘર્ષણ
• પોલીસ પેટ્રોલિંગ શરૂ કરતા એક જૂથે કરી બબાલ
• 6 લોકોની ભાદરવા ટાઉન પોલીસે કરી ધરપકડ

વડોદરા જિલ્લામાં પોલીસ અને ટોળા વચ્ચે ઘર્ષણ

વડોદરા બાદ હવે સાવલી તાલુકાના ભાદરવા ગામે શાંતિ ડહોળવાનો પ્રયાસ કરવામાં આવ્યો હતો. આ દરમિયાન ભાદરવા ગામમાં પોલીસ અને ટોળા વચ્ચે ઘર્ષણ થયું હતું. જેમાં એક જૂથના લોકો બાદમાં પોલીસ સાથે જ ઘર્ષણમાં ઉતર્યા હતા. 

જૂથ અથડામણની બાતમી મળતા પોલીસ અલર્ટ થઇ હતી

આ અંગે પોલીસ સુત્રોના જણાવ્યા અનુસાર વડોદરના સાવલી તાલુકાના ભાદરવા ગામે ગત મોડી રાત્રે બે કોમના ટોળા વચ્ચે રાત્રે ઘર્ષણની બાતમી મળતાં પોલીસ એલર્ટ થઈ ગઈ હતી. તે દરમિયાન એક જૂથના લોકોએ પોલીસ સાથે ઘર્ષણ કર્યું છે. 

25થી વધુ લોકોના ટોળાએ ભાદરવા પોલીસ સ્ટેશનમાં બબાલ કરી હતી

એક જૂથના લોકો ફૂલ ઝડપે બાઇક ચલાવી પોલીસ સાથે ઘર્ષણમાં ઉતર્યા હતા. જેમાં 20 થી 25 લોકોનું ટોળું ભાદરવા પોલીસ સ્ટેશનમાં ઉગ્ર દેખાવો કરવા પહોંચ્યા હતા.હાલ ભાદરવા ટાઉન પોલીસે 6 લોકોની ધરપકડ કરી છે. આ ઘટનાને સંદર્ભે જિલ્લાના એસપી, ડીવાયએસપી સહિતના અધિકારીઓ ભાદરવા પોલીસ સ્ટેશને પહોંચ્યા હતા.

તાજેતરમાં વડોદરાના રાવપુરા વિસ્તારમાં જૂથ અથડાણ થઈ હતી 

અત્રે ઉલ્લેખનીય છે કે, વડોદરાના રાવપુરા વિસ્તારમાં રવિવાર મોડી રાત્રે બે બાઈક વચ્ચે અકસ્માત થતા બે જૂથો વચ્ચે અથડામણ સર્જાઇ હતી. જ્યાર બાદ વાતાવરણ તંગ બન્યું હતું. હાલ શહેરમાં પોલીસનું પેટ્રોલિંગ પણ ચાલુ છે. SRPની ટીમો પણ બોલાવી લેવામાં આવી છે. મહત્વનું છે કે, કારેલીબાગ પોલીસ સ્ટેશન ખાતે નોંધાયેલ ગુનામાં 19 આરોપીઓની ધરપકડ કરાઇ છે. આરોપીઓને રાત્રે જ ઝડપી લેવામાં આવ્યા હતાં. રાવપુરામાં 8 આરોપીઓની ધરપકડ કરીને કુલ 25 લોકો સામે ગુનો દાખલ કરાયો છે. SRPની 2 ટીમો પણ તૈનાત કરી દેવાઇ છે.'