એલર્ટ / શાંતિ ડહોળવાનો પ્રયાસ: જમ્મૂમાં મિલિટ્રી સ્ટેશન નજીક વધુ એક ડ્રોન દેખાતા ખળભળાટ, સેના એલર્ટ

• જમ્મૂમાં દેખાયું વધુ એક ડ્રોન
• સુઝવાન મિલિટ્રી સ્ટેશન પાસે જોવા મળ્યું ડ્રોન
• શનિવારથી સતત ડ્રોન દેખાવવાની ઘટનાઓ ચાલી રહી છે

મળતી માહિતી અનુસાર સોમવારે મોડી રાતે લગભગ 2.30 વાગે ડ્રોન જોવા મળ્યું હતું. જે થોડીવાર બાદ ગાયબ થઈ ગયું હતું. સુરક્ષાબળોનું આ ડ્રોન કુંજવાની, સુંજવાન અને કલચૂક વિસ્તારની પાસે જોવા મળ્યું છે. આર્મીને મોડી રાતે આ ડ્રોનની જાણકારી મળી હતી. પહેલું રતાનુચેકમાં રાતે 1.08 વાગે, કુંજવાનીમાં 3.09 વાગે અને કુંજવાનીમાં સવારે 4.19 મિનિટે ડ્રોન જોવા મળ્યું. સેનાની તરફથી કોઈ ફાયરિંગ કરાયુ નથી પણ તપાસ ચાલુ છે. ડ્રોન ઉંચાઈ પર હતું એટલે 3 જગ્યાઓએથી જોઈ શકાતું હતું. એજન્સી તપાસ કરી રહી છે કે આ એક જ ડ્રોન હતું કે પછી 3 અલગ ડ્રોન હતા.

મળતી જાણકારી પ્રમાણે સોમવારે જમ્મુના કાલૂચક મિલિટ્રી સ્ટેશન પર 3 વાગ્યા આસપાસ ડ્રોન જોવા મળ્યું હતું. જો કે,સેના એલર્ટ હોવાને કારણે ડ્રોનને જોતા જ જવાનોએ 20થી 25 રાઉન્ડ ફાયર કર્યા હતા. 

સેના દ્વારા સર્ચ ઓપરેશન હાથ ધરાયું 
ડ્રોન જોયા બાદ સમગ્ર વિસ્તારમાં સેના દ્વારા સર્ચ ઓપરેશન ચલાવવામાં આવી રહ્યું છે. સૈન્યના જવાનો કેમ્પમાં અને તેની આસપાસની જગ્યા શોધી રહ્યા છે જ્યાં ડ્રોન પડી શકે છે. કારણ કે એવું માનવામાં આવે છે કે જો ડ્રોનને ગોળી ચલાવવામાં આવી હોત તો તે નીચે પડી હોય. તેથી તેની શોધ ચાલુ છે.

2 more drones spotted over Kaluchak military station in Jammu; searches launched

"The security forces are on high alert and the search operation is in progress," Defence PRO said

(@RAVIKKHAJURIA reports)https://t.co/YUZVzjqKSp

— Hindustan Times (@htTweets) June 28, 2021

શનિવારે મોડી રાતે એરબેઝ પર થયો હતો ડ્રોન હુમલો 

જમ્મૂ કશ્મીરમાં આવેલ એરફોર્સ સ્ટેશન પર શનિવારે મોડી રાતે બે બ્લાસ્ટ થયા હતા. જે મામલે એક આંતકીની ધરપકડ કરવામાં આવી છે. બ્લાસ્ટ ડ્રોનની મદદ કરવામાં આવ્યા હોય તેવી આશંકા સેવાઈ રહી છે. જમ્મૂમાં આવેલ એરફોર્સ સ્ટેશન પર ગત 5 મિનિટના અંતરે બે બ્લાસ્ટ થયા હતા. આ વાતની જાણ થયા બાદ એનઆઈએની ટીમ તપાસ માટે એરફોર્ટ સ્ટેશન પોહચી ચુકી છે. સમગ્ર મામલે જમ્મૂ-કશ્મીર પોલીસે યુપીએ હેઠળ કેસ ફાઈલ કર્યો છે. આ બ્લાસ્ટમાં બે લોકો સામાન્ય ઘાયલ થયા હોવાનું સામે આવ્યું છે. 

સ્ટેશન પરના બેરેકને નુકશાન 

સ્ટેશન પરના બે બેરેકને નુકશાન પહોચ્યું છે. સૂત્રો દ્વારા એવી માહિતી સામે આવી છે કે વિસ્ફોટક સામગ્રી ઈમારતના ધાબા પર પડી હતી. જેના કારણે બેરેક પૂરી રીતે ડિસ્ટ્રોય થઈ ગયું. જોકે બીજો બ્લાસ્ટ ઈમારતની સાથે ઓપન એરિયામાં થયો હતો, તેવી માહિતી સામે આવી છે.

ડ્રોનથી બ્લાસ્ટ થયા હોવાની આશંકા 

સૂત્રો દ્વારા મળતી માહિતી અનુસાર જમ્મૂ ટેકનિકલ એરપોર્ટ પર જે બે બ્લાસ્ટ થયા છે. તે બ્લાસ્ટ ડ્રોનની મદદથી કરવામાં આવ્યા હોય તેવી આશંકા સેવાઈ રહી છે. બંને ધડાકા એયરપોર્ટની અંદર થયા છે. જેથી એવું માનવામાં આવી રહ્યું છે કે અહીયા ડ્રોન દ્વારા LED નાખવામાં આવ્યા હશે. 

પાકિસ્તાન સામે શંકાની સોય 

ડ્રોનના ઉપયોગથી બ્લાસ્ટની ખબર સાંભળીને પાકિસ્તાન સામે શંકા સેવાઈ રહી છે. આ ઘટનાને કારણે શ્રીનગર અને પંજાબના પઠાનકોટ સ્થિત એરફોર્સ પર હાઈ એલર્ટ આપી દેવામાં આવ્યું છે. સાથેજ જમ્મૂમાં એક આંતકીની પણ ધરપકડ કરવામાં આવી છે. જેની પાસેથી વિસ્ફોટક સામગ્રીઓ મળી આવી છે.