OMG / ગન કલ્ચરનો વધુ એક ખતરનાક નમૂનો, 71 વર્ષની પત્નીએ 11 કરોડના ઈન્શ્યોરન્સ માટે પતિને પતાવી દીધો

• 71 વર્ષીય અમેરિકન મહિલાએ પોતાના પતિની ગોળી મારી હત્યા કરી 
• ઇન્સ્યોરન્સ પોલિસીનાં  11 કરોડ રૂપિયા માટે કર્યું હતું કાવતરું 
• તમારા પતિની હત્યા કેવી રીતે કરવી ? વિશે બ્લોગ પણ લખ્યો હતો 

પોતાના પતિની હત્યાનો આરોપ
71 વર્ષીય અમેરિકન નવલકથાકાર નેન્સી ક્રેમ્પટન બ્રોફી પર સેકન્ડ ડિગ્રી મર્ડરનો આરોપ મૂકવામાં આવ્યો છે. તેણે 63 વર્ષીય પતિ અને વ્યવસાયે રસોઇયા ડેનિયલ બ્રોફીની ગોળી મારીને હત્યા કરી હતી. ડેનિયલ્સ તે સમયે Oregon Culinary Institute માં કામ કરતો હતો. તેણે 2018માં આ હત્યા કરી હતી. હવે તે પોતાના પતિની હત્યાની દોષી ઠેરવવામાં આવી છે. પોલીસે જણાવ્યું હતું કે ડેનિયલ્સને બે વખત ગોળી વાગી હતી અને વિદ્યાર્થીઓએ તેને મરણ હાલતમાં જોયો હતો. ફરિયાદીઓએ દાવો કર્યો હતો કે નેન્સીએ તેના પતિની હત્યા એટલા માટે કરી હતી કારણ કે તે ઇન્સ્યોરન્સ પોલિસીનાં  11 કરોડ રૂપિયા મેળવવા માંગતી હતી. ખાસ વાત એ છે કે પતિના મોતના થોડા મહિના પહેલા જ નેન્સીએ બંદૂક ખરીદી હતી. 

પ્લાનિંગ હત્યા જ હતી 
ન્યૂયોર્ક ટાઇમ્સના રિપોર્ટ મુજબ ડેપ્યુટી ડિસ્ટ્રિક્ટ એટર્ની શોન ઓવરસ્ટ્રીટે જણાવ્યું હતું કે નેન્સીએ પહેલેથી જ પ્લાનિંગ કરી લીધું હતું. તેણી પાસે હેતુ પણ હતો આ હત્યાનો કે નેન્સીએ જ તેના પતિની હત્યા કરી હતી. નેન્સીના વકીલો દાવો કરે છે કે તેણે તેની નવલકથા માટે બંદૂક ખરીદી હતી. તે નવલકથામાં એક  સ્ત્રી હથિયાર બનાવવા માટે બંદૂકના ભાગો એકત્રિત કરે છે અને પછી તેના ત્રાસી ગયેલા પતિની હત્યા કરે છે. બચાવ પક્ષે દલીલ કરી હતી કે નેન્સી અને તેના પતિ વચ્ચે 25 વર્ષથી વધુ સમયથી ખૂબ જ સારા સંબંધો હતા.
Oregon Live ના જણાવ્યા અનુસાર, 8 કલાકની સુનાવણીના અંતે જ્યુરીમાં બેસેલ પાંચ પુરુષો અને સાત મહિલાઓએ નેન્સીને દોષીત સબિત કરી હતા. નેન્સીની વકીલ લિઝા મેક્સફિલ્ડે જણાવ્યું હતું કે તેઓ હવે અપીલની યોજના કરી રહ્યા છે.

નેન્સી હત્યાની જગ્યા પર હતી હાજર 
2 જૂન, 2018ના રોજ Oregon Culinary Instituteમાં ડેનિયલ્સની હત્યા કરવામાં આવી  તે 2006 થી ત્યાં કામ કરી રહ્યો હતો. ડેનિયલના વિદ્યાર્થીઓ જ્યારે તેની પાસે પહોંચ્યા ત્યારે તેઓ રસોડાના ફ્લોર પર પડ્યા હતા. પરંતુ મોતના લગભગ અડધા કલાક પહેલા નેન્સી ઇન્સ્ટિટ્યૂટની અંદર ડ્રાઇવિંગ કરતી પણ જોવા મળી હતી. વીસ મિનિટ પછી નેન્સી ઇન્સ્ટિટ્યૂટમાંથી બહાર આવે છે. પછી તે તેના ઘરે જાય છે. રિપોર્ટ અનુસાર નેન્સીએ કોર્ટને જણાવ્યું હતું કે તેને આ ટ્રિપ વિશે યાદ નથી. પરંતુ ફરિયાદીનું કહેવું છે કે નેન્સીનો હત્યાનો જ હેતુ હતો.

પોતાના બ્લોગમાં જ પતિની હત્યા કેમ કરવી એ વિશે લખ્યું 
2011માં નેન્સીએ Seeing Jane ની સાઇટ ઉપર એક બ્લોગ પોસ્ટ કર્યો હતો. તેનું શીર્ષક હતું તમારા પતિની હત્યા કેવી રીતે કરવી ? આ બ્લોગમાં તેણે પોતાના પતિને મારવાના  5  હેતુઓ વિશે વાત કરી હતી. તેમાં હથિયાર અને હત્યા કરવાની રીત વિશે પણ વાત કરી હતી. આ બ્લોગ અંગે નેન્સીએ દાવો કર્યો હતો કે, આ કાલ્પનિક છે. "સંપાદક આ વાર્તા પર હસશે અને કહેશે કે તમારે વાર્તા પર વધુ મહેનત કરવાની જરૂર છે. આ વાર્તામાં એક મોટી ભૂલ થઈ છે.
આ કેસમાં હવે નેન્સીને આજીવન કેદની સજા થઈ શકે છે. સજા પર 13 જૂને ચુકાદો આવશે.