VIDEO / ન પદની ગરિમા, ન કાયદાની ફિકર, ભાજપ નેતાનો વીડિયો વાયરલ થતા મચ્યો હડકંપ

• ભરૂચમાં ભાજપના નેતાનો વધુ એક વિવાદ
• જુગાર રમતા પ્રમુખનો વીડિયો થયો વાયરલ
• તાલુકા પંચાયતના પ્રમુખનો વીડિયો વાયરલ

ગાંધીના ગુજરાતમાં દારૂ બંધી અને  જુગાર રમવા પર પ્રતિબંદ હોવા છતા અવાર નવાર અનેક ઘટનાઓ સામા આવતા હોય છે જેમા દારૂબંધી અને જુગારધામ ધમધમતા જોવા મળે છે ત્યારે ભરૂચમાં વાલિયા ગામે તાલુકા પંચાયતના પ્રમુખનો વીડિયો વાયરલ થયો છે જેમાં તેઓ જુગાર રમતા નજરે પડી રહ્યા છે. 

તાલુકા પંચાયતના પ્રમુખનો વીડિયો વાયરલ

કથિત વીડિયોમાં જોવા મળી રહ્યું છે કે ભાજપ તાલુકા પંચાયતના પ્રમુખ સેવનતું વસાવા ગામના જ કેટલાક યુવાનો સાથે જુગાર રમી રહ્યા છે. આ વીડિયો વાયરલ થયા અનેક સવાલો ઉઠી રહ્યા છે. પ્રજાના સેવાક જ પ્રજાને અવડે માર્ગે દોરતા હોય તેવો નગરજનોને સંદેશો પાઠવી રહ્યો હોય તેવી વીડિયો પરથી લાગી રહ્યું છે.
 

જુગાર રમવા પર પ્રતિબંધ હોવા છતા સેવનતું વસાવાએ કોઈ જ ફરક ન પડતો હોય તેમ બેફામ બનીને કાયદાની ઐસિતૈસી કરતા જોવા મળે છે. જો ભાજપના તાલુકા પંચાયતના પ્રમુખ પોતે જ જુગાર રમશે તો પ્રજાને શું સંદેશ આપશે. ઉચ્ચ પદ પર બેઠેલા લોકોને જુગાર રમવું શોભે ? જેને લઈ અનેક સવાલો ઉઠી રહ્યા છે, ત્યારે આ પ્રમુખ સામે કાર્યવાહી થશે કે નહીં તે પણ એક સવાલ છે ?