મુશ્કેલી / ચીનમાં કોરોના બાદ વધુ એક વાયરસે મચાવ્યો આતંકઃ 6000થી વધુ લોકો થયા સંક્રમિત, જાણો લક્ષણો

• ચીનમાં વધુ એક વાયરસનો આતંક
• આ વાયરસનું નામ બ્રૂસીલોસિસ છે
• જાણો વાયરસના લક્ષણો અને કેવી રીતે ફેલાય છે

ચીનના ગાંસુ પ્રાંતની રાજધાની લાન્ચોના સ્વાસ્થ્ય વિભાગે આ વાયરસની પુષ્ટિ કરી છે. મળતી માહિતી અનુસાર 6000થી વધુ લોકો તેની ઝપેટમાં આવી ચૂક્યા છે. બ્રૂસીલોસીસ વાયરસને માલ્ટા ફીવરના નામે પણ ઓળખવામાં આવે છે. તેને એક રીતનો જુનોટિક બેક્ટેરિયલ સંક્રમણ ગણવામાં આવે છે. 

ચીનમાં કુલ 6620 લોકો બ્રૂસીલોસિસથી થયા સંક્રમિત

અહીની સરકારે કુલ 55725 લોકોના ટેસ્ટ કરાવ્યા છે જેમાંથી 6620 લોકો સંક્રમિત હોવાનું સામે આવ્યું છે. મળતી માહિતી અનુસાર સરકારે સ્વીકાર્યું છે કે 14 સપ્ટેમ્બર સુધી આ બીમારીના 3245 કેસ હતા. જે 2 મહિનામાં બમણાથી વધી ગયા છે. વધતા સંક્રમિત કેસ ચિંતાનો વિષય બની રહ્યા છે. 

જાણો કેવી રીતે ફેલાય છે આ વાયરસ

ચીનમાં સંક્રમણના દર્દીઓ રોજેરોજ વધી રહ્યા છે. WHOના આધારે આ વાયરસ સંક્રમિત જાનવરોના સીધા સંપર્કમાં આવવાથી કે પછી ડેરી પ્રોડક્ટથી કે હવાની મદદથી પમ ફેલાય છે. એક બાયોફાર્માસ્યુટિકલ કંપનીમામં થયેલા લીકેજના કારણે આ વાયરસ ચીનમાં ફેલાયો હોવાનું પણ માનવામાં આવી રહ્યું છે. 

માલ્ટા તાવના લક્ષણો ફ્લૂ જેવા હોય છે. જેમકે તેમાં 

• તાવ અને માથું દુઃખવું
• માંસપેશીઓમાં દર્દ
• થાક અને નબળાઈનો અનુભવ
• કેટલાક અંગોમાં સોજા આવવા

માલ્ટા તાવથી બચવા રાખો સાવધાની

જે વિસ્તારોમાં આ વાયરસ ફેલાયો છે ત્યાં જાનવરોના સંપર્કમાં આવ્યા બાદ પોતાને સેનેટાઈઝ કરવું જરૂરી બન્યું છે. સંક્રમિત પશુનું દૂધ પીવાથી બચવું. દૂધને ઉકાળીને ઉપયોગમાં લેવું. કાચા દૂધનું સેવન ન કરવું. ઘરમાં પશુ લાવવાનું વિચારી રહ્યા છો તો પહેલાં તેની બ્રૂસીલોસિસની તપાસ કરાવો. પશુની સાથે પણ શારીરિક અંતર રાખો તે જરૂરી છે.