અમદાવાદ શહેરમાંથી વિદેશી નાગરિકો સાથે ઠગાઈ કરતું વધુ એક કોલ સેન્ટર ઝડપાયુ
અમદાવાદના સાયબર 'ઠગબાજ'!
અમેરિકન નાગરિકો પાસેથી પડાવતા ડોલર
લોન આપવાના બહાને ઠગાઇ
છેલ્લા કેટલાય સમયથી બોગસ કોલ સેન્ટરનો રાફડો ફાટ્યો છે. આ સાયબર ઠગબાજ લોન આપવાની લાલચ આપી કોલ કરે. બાદમાં એવી રીતે અલગ-અલગ પ્રોસેસના નામે પૈસા પડાવી લે કે તમને ખબર પણ ન પડે. અને તમારા ખાતામાંથી પૈસા છૂ થઇ જાય. 10 હજાર લેવાની લાલચમાં આ શખ્સો તમારી પાસે 5 હજાર તો પ્રોસેસના જ છૂ કરી દે. જુહાપુરા વિસ્તારમાં ઘરમાં બેસીને અમેરિકન નાગરિકોને લોન આપવાની લાલચ આપી અલગ અલગ બહાના હેઠળ પૈસા પડાવતા બે શખ્સોની સાયબર ક્રાઇમ એ ધરપકડ કરી છે.
કેવી રીતે લોનના નામે કાળો કારોબાર કરતાં?
અમદાવાદ સાયબર ક્રાઇમની ગિરફતમાં દેખાતા આ બંને આરોપીઓના નામ છે ઝહીર અબ્બાસ શેખ અને સમીર મોગલ છે પકડાયેલા બંને આરોપીઓ જુહાપુરા વિસ્તારના જ રહેવાસી હોવાની માહિતી છે. જેમાંથી સમીર મોગલ પોતાના ઘરમાં રહીને ગેરકાયદેસર કોલ સેન્ટર શરૂ કરી અમેરિકન નાગરિકોનો ડેટા મેળવી અમેરિકન નાગરિકોને ફોન કરીને પોતે અમેરિકાની વન મેઇન ફાઇનાન્સ નામની લોન આપનારી કંપનીના કર્મી તરીકેની ઓળખ આઆપતા હતા અને પૈસા પડાવતા હતા
બહાના બતાવી ડોલરમાં કમાણી કરતાં
આ સમગ્ર મામલે સાઇબર ક્રાઇમએ દરોડા પાડીને ઘરમાં ચાલતું ગેરકાયદેસર કોલ સેન્ટર ઝડપી પાડ્યું હતું. આરોપીઓ પાસેથી બે મોબાઇલ ફોન કબ્જે કરાયા છે. પકડાયેલા આરોપીઓ અમેરિકન નાગરિકોને ફોન કરીને લોન આપવાની લાલચ આપી વેરિફિકેશન ફી, લોન એગ્રીમેન્ટ ફી ના નામે ડોલર પડાવતા હોવાનું સામે આવ્યું છે. આરોપીઓ અમેરિકન નાગરિકોને લોન આપવાનું કહીને ફસાવી તમારા ખાતામાં લોનના પૈસા ડિપોઝિટ કરાવવાની કોશિશ કરી રહ્યા છીએ પરંતુ ક્રેડિટ સ્કોર ઓછો હોવાથી સક્સેસફૂલ થતું નથી જેના માટે તમારે અમારી કંપની વચ્ચે મ્યુચ્યુઅલ ટ્રાન્જેક્શન કરવાનું રહેશે જેનાથી તમારો સ્કોર 700 પોઇન્ટ વધી જશે અને લોનના પૈસા તમને આપવામાં આવશે તે તેવું જણાવીને અલગ અલગ માધ્યમથી અમેરિકન ડોલર મેળવી લેતા હતા.
પોલીસ વધુ તપાસ હાથ ધરી
અમદાવાદ સાયબર ક્રાઇમએ બંને આરોપીઓને ઝડપીને તપાસ કરતા પકડાયેલા આરોપીઓમાંથી જહીર શેખ અગાઉ પણ સાયબર ક્રાઈમ બ્રાન્ચ ખાતે એક ગુનામાં ઝડપાયો હોવાનું સામે આવ્યું છે. ત્યારે પકડાયેલા આરોપીઓ સિવાય આ ગુનામાં કોણ કોણ સામેલ છે અને અત્યાર સુધીમાં કેટલા અમેરિકન નાગરિકો સાથે આરોપીઓએ કેટલા રૂપિયાની ઠગાઈ હાજરી છે તે દિશામાં પૂછપરછ શરૂ કરી છે.