Wednesday, April 24, 2019

વાયરલ / BJPના વધુ એક MLAની દાદાગીરી, મત આપવા માટે આપી ધમકી

BJPના વધુ એક MLAની દાદાગીરી, મત આપવા માટે આપી ધમકી

લોકસભાની ચૂંટણી જેમ જેમ નજીક આવી રહી છે તેમ તેમ ગુજરાતના રાજકારણના અનેક રંગો જોવા મળી રહ્યા છે. ત્યારે સોશિયલ મીડિયામાં ભાજપના દબંગ નેતાઓના ઓડિયો અને વીડિયો વાઈરલ થયા છે. આ ઓડિયો અને વીડિયો પરથી સ્પષ્ટ થાય છે કે, નેતાઓને લોકોની કોઈ ચિંતા નથી તેમને તો કોઈ પણ રીતે મત જ જોઈએ છે. જેને લઈને હાલ આ નેતાઓની નિંદા થઈ રહી છે.

લોકસભાની ચૂંટણી પહેલા ભાજપના ચોથા ધારાસભ્યની ધમકીનો વીડિયો વાયરલ થયો છે. ચૂંટણીનો માહોલ ગુજરાતમાં દિવસેને દિવસે વધી રહ્યો છે. બન્ને પાર્ટીના નેતાઓ વારપલટવાર કરીને પોતાના નિવેદનોના કારણે ચર્ચામાં આવી રહ્યા છે. ત્યારે દાહોદના ઉતેપુરાના ધારાસભ્યનો એક વિવાદિત વીડિયો વાયરલ થઇ રહ્યો છે.
 

દાહોદના ભાજપ ધારાસભ્ય રમેશ કટારાએ મત માટે મતદારોને ખુલ્લી ધમકી આપતો એક વીડિયો વાયરલ થયો છે. આ વીડિયોમાં ચૂંટણીમાં થતા મતદાન વિશે એક વિવાદિત નિવેદન ધારાસભ્યનું સામે આવ્યું છે.

તેમને સ્ટેજ પરથી ધમકીભર્યા ઉંચા સ્વરે લોકોને કહ્યું કે, મોદી કેમેરામાં બેઠા બેઠા બધુ ભાળે છે કે ક્યા કેટલા મત ભાજપ અને કોંગ્રેસમાં પડે છે. આ બધુ તે પોતાની નજરે જોવે છે. જો મત ઓછા મળ્યા તો ભાજપ કામ પણ ઓછું કરશે. આ વીડિયો સામે આવ્યા બાદ ભારે હોબાળો થાય તે સ્વાભાવિક છે.
 

દાહોદના ફતેપુરા વિધાનસભાના ધારાસભ્યનો મતદારોને ભાજપને મત નહીં નાખો તો કોઈપણ સરકારી લાભ નહીં મળે તેવું સભાને સંબોધતાનો વીડિયો વાયરલ થયો છે. મતદારોને એક સભામાં ધારાસભ્ય રમેશ કટારાએ જણાવ્યું કે, જો ભાજપને મત નહી નાખો તો મોદી કામ ઓછું આપશે. ઝૂંપડાના પૈસા પણ મોદી તમારા ખાતામાં નહીં નાખે. મોદી કેમેરામાં બેઠા બેઠા બધું ભાળે છે કે કયા બુથમાં કેટલા મત ભાજપને અને કોંગ્રેસને પડ્યા. જો તમે ભાજપને મત નહીં આપો અને કોંગ્રેસને આપશો તો અવળું થાશે.
gujarat BJP MLA Ramesh katara

જોવા જેવું વધુ જુઓ

બ્રેકિંગ ન્યૂઝ