સુરતમાં ભાજપના વધુ એક કોર્પોરેટર લાંચ લેતા ઝડપાયા છે. ACBએ ભાજપના કોર્પોરેટર જયંતિ ભંડેરી 50 હજારની લાંચ લેતા ઝડપી પાડ્યા હતા. જયંતિ ભંડેરીએ ગેરકાયદે બાંધકામ મામલે તબીબ પાસે લાંચ માગી હતી.
જેની જાણ થતા ACBએ છટકું ગોઠવીને કોર્પોરેટરની ધરપકડ કરી છે. ઉલ્લેખનીય છે કે આ પહેલા ભાજપના 2 મહિલા કોર્પોરેટર પણ લાંચ કેસમાં ઝડપાઈ ચુક્યા છે. ફેબ્રુઆરી 2018માં કોર્પોરેટર મીના રાઠોડના પતિ લાંચ લેતા ઝડપાયા હતા.
આ મામલે ACBએ મીના રાઠોડની પણ ધરપકડ કરી હતી. મીના રાઠોડ પર આરોપ લાગતા ભાજપ દ્વારા મીના રાઠોડને સસ્પેન્ડ કરવામાં આવ્યા હતા. આ ઉપરાંત કોર્પોરેટર નેન્સી સુમરાના ભાઈ અને પિતા લાંચ લેતા ઝડપાયા હતા.
આ મામલે નેન્સી સુમરાની પણ ACBએ ધરપકડ કરી હતી. ગેરકાયદે બાંધકામ મામલે ભાજપના કોર્પોરેટરોએ ઉઘરાણી માગી હતી. આ ઉપરાંત ભાજપના અન્ય એક મહિલા કોર્પોરેટર સામે પણ લાંચનું છટકું ગોઠવાયું હતું.
જોકે આ અંગે જાણ થતા મહિલા કોર્પોરેટર બચી ગયા હતા. ત્યારે હવે જયંતિ ભંડેરી પણ લાંચ લેતા ઝડપાયા છે. આ મામલે શહેર ભાજપ પાસે ફરિયાદ આવતા જયંતિ ભંડેરીને ચેતવણી આપવામાં આવી હતી. ત્યારે હવે ભાજપ દ્વારા આગામી દિવસોમાં કાર્યવાહી કરવામાં આવે તેવી શક્યતા છે.