તમારા કામનું / વિકાસના ઉત્પ્રેરક તરીકે અફોર્ડેબલ હાઉસિંગ : અર્ધ-શહેરી ભારતમાં સેવા આપવા માટે SMFG ગૃહશક્તિનો અનેરો અભિગમ

નવી દિલ્હી [ભારત], 11 નવેમ્બર: SMFG ગૃહશક્તિના એમડી અને સીઈઓ શ્રી દીપક પાટકરે એક ઇન્ટરવ્યુમાં, કેવી રીતે કંપનીના વિકાસની વ્યૂહરચના અફોર્ડેબલ હાઉસિંગ ક્ષેત્ર પર કેન્દ્રિત છે, ખાસ કરીને અર્ધ-શહેરી ભારતમાં, જ્યાં ઇન્ફ્રાસ્ટ્રક્ચરના વિકાસને લીધે ઘરની માલિકીની માંગમાં વધારો થયો છે, એ બાબત પર પ્રકાશ પાડ્યો હતો. બીજો મહત્વપૂર્ણ મુદ્દો એ કે, કેવી રીતે SMFG ગૃહશક્તિ ઓછી અને મધ્યમ આવક ધરાવતા પરિવારોને સશક્તિકરણ પર ધ્યાન કેન્દ્રિત કરીને તેની પહોંચને વિસ્તૃત કરવાનું ચાલુ રાખે છે અને આ રીતે દેશના પછાત અને આછી સુવિધાવાળા પ્રદેશોમાં નાણાકીય સમાવેશને સમર્થન આપે છે. 

પ્રશ્ન-1: અફોર્ડેબલ હાઉસિંગ પર તમારી કંપનીનું ધ્યાન, ખાસ કરીને ગ્રામીણ ભારતમાં, તમારી વૃદ્ધિની વ્યૂહરચના કેવી રીતે આકાર પામી છે? આ ક્ષેત્રમાં કઈ બાબત તમારા અભિગમને યુનિક બનાવે છે? 

અફોર્ડેબલ હાઉસિંગ પર અમારા ધ્યાને, ખાસ કરીને અર્ધ-શહેરી ભારતમાં, અમારી વૃદ્ધિ વ્યૂહરચનાને નોંધપાત્ર રીતે આકાર આપ્યો છે. અમે જાણીએ છીએ કે ટાયર-2 અને ટાયર-3 શહેરોમાં રોડ, વીજળી અને ઔદ્યોગિકીકરણ જેવા સુધરેલા ઈન્ફ્રાસ્ટ્રક્ચરે પોસાય તેવા ઘરોની માંગમાં વધારો કર્યો છે. ઓછી અને મધ્યમ આવક ધરાવતા જૂથો માટે કસ્ટમાઇઝ્ડ લોન સોલ્યુશન્સ ઓફર કરીને અમારા ગ્રાહકો પ્રત્યેનો અમારો અનુકૂળ અભિગમ એ અમને અલગ બનાવે છે. અમારી ઓન-ગ્રાઉન્ડ અંડરરાઇટિંગ ટીમ ગ્રાહકની વ્યક્તિગત મુલાકાત લે છે અને આવકના સ્ત્રોતો જેમ કે ચુકવણીની રસીદો, ટેક્સ રિટર્ન, કુટુંબમાં રોકડ આવક અને દુકાનના ઇન્વેન્ટરી સ્ટેટમેન્ટનું મૂલ્યાંકન કરે છે. આનાથી મહત્તમ લોનની રકમ સુનિશ્ચિત થાય છે જેનાથી ગ્રાહકોની વિશાળ શ્રેણી માટે ઘરની માલિકી વધુ સુલભ બને છે. વધુમાં, અમે અમારી સીધી વિતરણ ક્ષમતાઓમાં નોંધપાત્ર વધારો કર્યો છે, જેમાં અમારા ડાયરેક્ટ ટુ કસ્ટમર વર્ટિકલ લગભગ 60% નવા સોર્સિંગમાં ફાળો આપે છે. અનુરૂપ ઉકેલો અને મજબૂત વિતરણનું આ સંયોજન અમને ગ્રામીણ અને અર્ધ-શહેરી વિસ્તારોમાં પોસાય તેવા ઘરોની વધતી માંગને પહોંચી વળવામાં મદદ કરે છે. 

પ્રશ્ન-2: તમે આગામી પાંચ વર્ષમાં ભારતમાં, ખાસ કરીને એફોર્ડેબલ હાઉસિંગ પર વધતા ભારને જોતાં, હાઉસિંગ ફાઇનાન્સ ઉદ્યોગને કેવી રીતે વિકસિત થતા જુઓ છો..? 

ભારતમાં હાઉસિંગ ફાઇનાન્સ ઉદ્યોગ, ખાસ કરીને પ્રધાનમંત્રી આવાસ યોજના (PMAY) જેવી પહેલો દ્વારા પોસાય તેવા આવાસ પર સરકારના ફોક્સને ધ્યાનમાં લેતાં, આગામી પાંચ વર્ષમાં નોંધપાત્ર વૃદ્ધિ માટે તૈયાર છે. ડિજિટાઈઝ્ડ લેન્ડ રેકોર્ડ્સ અને સુધારેલ ઈન્ફ્રાસ્ટ્રક્ચર જેવી તકનીકી પ્રગતિ ગ્રામીણ અને અર્ધ-શહેરી વિસ્તારોમાં ધિરાણની પહોંચને વધુ સરળ બનાવશે. અમે પર્યાવરણની દ્રષ્ટિએ અનુકૂળ અને ટકાઉ શહેરીકરણ તરફ પરિવર્તનની અપેક્ષા રાખીએ છીએ, જ્યાં સૌર પેનલ્સ અને વરસાદી પાણીના સંગ્રહ જેવા ગ્રીન હાઉસિંગ સોલ્યુશન્સ વધુ મહત્વપૂર્ણ છે. એકંદરે, આ સેક્ટરમાં ઊંડો નાણાકીય સમાવેશ જોવા મળશે કારણ કે અમારા જેવા ધિરાણ પ્રદાતાઓ વંચિત વિસ્તારોમાં મહત્વાકાંક્ષી મકાનમાલિકો માટેનું અંતર પૂરું કરે છે. 

પ્રશ્ન-3: તાજેતરના વલણો અને વધતા સરકારી ફોકસની હાઉસિંગ ફાઇનાન્સ સેક્ટર પર શું અસર પડી છે..? અને SMFG ગૃહશક્તિ આ ફેરફારોને કેવી રીતે સ્વીકારી રહી છે..? 

નાણાકીય વર્ષ 2025 પા યુનિયન બજેટમાં PMAY નું વિસ્તરણ કરીને તેમાં 3 કરોડ વધારાના મકાનો અને શહેરી આવાસ માટે સૂચિત વ્યાજ સબસિડી યોજના, હોમ લોનની ઍક્સેસને વેગ આપશે. એક કંપની તરીકે, અમે ટાયર-2, ટાયર-3 શહેરો અને ગ્રામીણ વિસ્તારોમાં અમારી હાજરીને વિસ્તારીને આ વલણોને સ્વીકારી રહ્યા છીએ, જ્યાં પોસાય તેવા આવાસની માંગ વધી રહી છે. બીજું, અમે મધ્યમથી નાના કદના રિયલ-એસ્ટેટ પ્રોજેક્ટ્સને પણ ફંડ પૂરું પાડીએ છીએ જેઓ રહેણાંક પ્રોજેક્ટ્સ વિકસાવવામાં નિષ્ણાત છે આ રીતે બિલ્ડરોને પોસાય તેવા હાઉસિંગ પ્રોજેક્ટ્સ બનાવવામાં સપેર્ટ કરીએ છીએ. વધુમાં, અમે ઔપચારિક લોનની સરળ ઍક્સેસ પ્રદાન કરીને ધિરાણથી વંચિત સમુદાયોને સક્રિય રીતે ફાઇનાન્સ પ્રદાન કરીએ છીએ. આ પગલું અમને વંચિત પ્રદેશો સુધી પહોંચવામાં અને વ્યાપક ગ્રાહક આધારમાં નાણાકીય સમાવેશ લાવવા માટે સક્ષમ બનાવે છે. સમગ્ર ભારતમાં 170 થી વધુ શાખાઓ સાથે, અમે અમારા વિતરણ નેટવર્કને વધારી રહ્યા છીએ અને આ પ્રદેશોમાં વધુ સારી રીતે સેવા આપવા માટે સ્થાનિક પ્રતિભાઓને કામ પર રાખી રહ્યા છીએ. 

પ્રશ્ન-4: આવનારા વર્ષોમાં ગ્રામીણ અને શહેરી બંને બજારોમાં હાઉસિંગ ફાઇનાન્સ ઉદ્યોગ માટે તમે કઈ મુખ્ય તકો અને પડકારો જોઈ રહ્યા છો અને તેને ઉકેલવા માટે તમે કઈ વ્યૂહરચના અમલમાં મૂકવા માગો છો? 

હાઉસિંગ ફાઇનાન્સ સેક્ટરમાં ખાસ કરીને ગ્રીન હાઉસિંગ સોલ્યુશન્સની વિશેષ માંગ સાથે વિવિઘ તકો ગ્રામીણ અને શહેરી બંને બજારોમાં પોસાય તેવા આવાસની વધતી માંગમાં રહેલી છે. જોકે, અમે વિભિન્ન પડકારોનો પણ સામનો કરીએ છીએ. શહેરી વિસ્તારોમાં, જમીનની ઊંચી કિંમતો અને સામગ્રીની વધતી કિંમતો વિકાસકર્તાઓ માટે પરવડે તેવા હાઉસિંગ સેગમેન્ટને ઓછા આકર્ષક બનાવે છે, જેનાથી સપ્લાય-સાઇડ સમસ્યા ઊભી થાય છે. અમે વંચિત અને ઓછી સુવિધા વાળા વિસ્તારોમાં અમારી હાજરીને વિસ્તારવા અને ફ્લેક્સિબલ પુન:ચુકવણી યોજનાઓ સહિત અમારા ગ્રાહકોની ચોક્કસ જરૂરિયાતોને અનુરૂપ ઉત્પાદનો પ્રદાન કરવા પર ધ્યાન કેન્દ્રિત કરી રહ્યા છીએ. આ વ્યૂહરચનાઓ ઉભરતી તકોને ટેપ કરતી વખતે પડકારોને નેવિગેટ કરવામાં મદદ કરશે. 

પ્રશ્ન-5: નાણાકીય સેવાઓમાં ટેક્નોલોજીના ઝડપી વિકાસ સાથે, SMFG ગૃહશક્તિ ગ્રાહક અનુભવ અને કાર્યક્ષમતા સુધારવા માટે ડિજિટલ ટૂલ્સનો કેવી રીતે ઉપયોગ કરી રહી છે..? 

SMFG ગૃહશક્તિ ગ્રાહકના અનુભવ અને ઓપરેશનલ કાર્યક્ષમતામાં વધારો કરવા માટે અત્યાધુનિક ટેકનોલોજી અપનાવી રહી છે. અમારી લોન ઓરિજિનેશન સિસ્ટમ (LOS) રિવેમ્પ, જે આગામી મહિનાઓમાં શરૂ થવા જઈ રહી છે, તેનો ઉદ્દેશ્ય એક સીમલેસ અને યુઝર-ફ્રેન્ડલી અનુભવ પૂરો પાડવાનો, ઓનબોર્ડિંગનો સમય ઘટાડવાનો અને લોન ડિસ્બર્સમેન્ટ ટર્નઅરાઉન્ડમાં સુધારો કરવાનો છે. કલેક્શન મોરચે પણ, અમે ગ્રાહકોને વિવિધ ઓનલાઈન પેમેન્ટ વિકલ્પો સાથે પ્રક્રિયાઓનું ડિજિટલાઈઝેશન લાગુ કરી રહ્યા છીએ. અમે સંભવિત ગ્રાહકોના બેંક સ્ટેટમેન્ટને ડિજિટલ રીતે ઍક્સેસ કરવા માટે એકાઉન્ટ એગ્રીગેટર નેટવર્કમાં પણ સબ્સ્ક્રાઇબ કર્યું છે. જોખમ વ્યવસ્થાપનના સંદર્ભમાં, અમે છેતરપિંડી તપાસ માટે સિસ્ટમો ગોઠવી છે અને મજબૂત જોખમ ઘટાડવાના સાધનોની ખાતરી કરવા માટે અરલી વોર્નિંગ સિસ્ટમ (EWS-પ્રારંભિક ચેતવણી સિસ્ટમ્સ) ફ્રેમવર્ક વિકસાવ્યું છે. 

લક્ષિત પહેલો દ્વારા, SMFG ગૃહશક્તિ સમગ્ર ગ્રામીણ અને અર્ધ-શહેરી ભારતમાં હાઉસિંગ ફાઇનાન્સમાં અંતર ઘટાડવા માટે પ્રતિબદ્ધ છે, જેમાં ગ્રાહક-કેન્દ્રિત અભિગમ છે જે વિકાસ અને નાણાકીય સમાવેશ બંનેને પ્રોત્સાહન આપે છે. જેમ જેમ ઉદ્યોગ તકનીકી પ્રગતિને સ્વીકારે છે, SMFG ગૃહશક્તિ નવીન ઉકેલો પહોંચાડવા માટે પ્રતિબદ્ધ છે જે ઘરની માલિકીને બધા માટે વધુ સુલભ અને સસ્તું બનાવે છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ