આરોપ / રાજકોટ શહેર પોલીસ સામે વધુ એક ગંભીર આક્ષેપ, સખત ત્રાસના કારણે મંદિર પૂજારીના પુત્રવધુની ઇચ્છામૃત્યુની માંગ

• રાજકોટ શહેર પોલીસ સામે ત્રાસ આપવાનો વધુ એક ગંભીર આક્ષેપ
• પોલીસ અને ટ્રસ્ટીઓનો ત્રાસથી મહિલાએ ઇચ્છામૃત્યુની કરી માંગ
• ઇચ્છામૃત્યુ માટે રાષ્ટ્રપતિ, રાજ્યના CM, ગૃહમંત્રીને લખ્યો પત્ર

રાજકોટ શહેર પોલીસ સામે વધુ એક આક્ષેપ લાગ્યા છે. 

રાજકોટમાં રહેતાં ધર્મિષ્ઠાબેન જાની નામની મહિલાએ રાજકોટ પોલીસ અરોપ લગાવતાં કહ્યું છે કે, પરિવારનો મોટો પુત્ર, ગાયત્રી મંદિરના ટ્રસ્ટીઓ અને રાજકોટ પોલીસ તેઓને મંદિર છોડવાની ધમકી આપે છે, જેને લઈને ધર્મિષ્ઠાબેન જાની  ઈચ્છામૃત્યુની માંગ કરી છે.

પોલીસ અને ટ્રસ્ટીઓનો ત્રાસ હોવાનો કર્યો ઉલ્લેખ

ધર્મિષ્ઠાબેન જાનીએ રાષ્ટ્રપતિ રામનાથ કોવિંદ અને રાજ્યના મુખ્યમંત્રી અને ગૃહમંત્રીને ઉદ્દેશીને ઈચ્છામૃત્યુ અંગે એક પત્ર લખ્યો છે. જેમાં તેઓએ રાજકોટ શહેર પોલીસ ઉપર ગંભીર આરોપો લગાવતાં જણાવ્યું કે, પરિવારનો મોટો પુત્ર, ટ્રસ્ટીઓ, પોલીસ ગાયત્રી મંદિર છોડવાની ધમકી આપીને ત્રાસ ગુજરી રહ્યાં હોવાનો આક્ષેપ કરવામાં આવ્યો છે. જેને લઈને તેઓએ ઈચ્છા મૃત્યુની માંગ કરી છે.