અલીબાબાના ફાઉન્ડર અને ચીની બિઝનેસમેન જૅક મા આજકાલ ચર્ચામાં છે. ત્યારે ચીને ફરી એક વાર જૅક મા પર કાર્યવાહી કરી છે.
ચીને જૅક મા પર ફરી કરી લાલ આંખ
ઉદ્યોગપતિઓની લિસ્ટમાંથી બહાર જૅક
અલીબાબાના ફાઉન્ડર છે જૅક મા
ચીન માત્ર દુનિયા પર જ નહી પરંતુ પોતાના દેશના લોકો પર પણ દાદાગીરી કરી રહ્યું છે. ચીનમાં સરકાર વિરુદ્ધ ઉઠનારા દરેક અવાજને દબાવવાનો પ્રયત્ન કરવામાં આવી રહ્યો છે. આ ક્રમમાં અલીબાબાના સંસ્થાપક જૅક માનો પણ સમાવેશ થાય છે.
ચીને શું કર્યું
ચીને હવે જૅક માને ઉદ્યમી નેતાના લિસ્ટમાંથી બહાર કરી દીધા છે. આ પગલાથી ખબર પડે છે કે જીનપીંગ અને જૅકમાના સંબંધો કેટલી હદ સુધી વણસી ગયા છે.
દુનિયા અને ચીનના દિગ્ગજ નેતા જૅક માનું નામ સરકારી મીડિયા શંઘાઇ સિક્યોરિટીઝ ન્યૂઝના પહેલા પેજ પર નથી. સરકારી મિડીયામાં જૅકનું નામ નથી, તેને હટાવી દેવામાં આવ્યું છે. જૅક સિવાય Huawei Technologiesના રેન ઝેંગફેઇ, શાઓમીના લેઇ જૂન અને બીવાઇડીના વાંગ ચાઉંફૂના યોગદાનની તારીફ કરવામાં આવી છે.
આ રિપોર્ટ ત્યારે પ્રકાશિત થઇ જ્યારે અલીબાબા સમૂહની ત્રણ મહિનાની કમાણીનો આંકડો આવવાનો હતો. અલીબાબા ગ્રુપે કોઇ જ પ્રકારની જાણકારી આપી નથી.
ચીનના ત્રીજા સૌથી ધનિક વ્યક્તિ અને કરોડો લોકોના પ્રેરણાસ્ત્રોત રહેલા જૅક મા અચાનક જ દુનિયાની સામે આવ્યા હતા. દુનિયામાં વધતા દબાવ બાદ ચીની સરકારે સરકારી પેપર ગ્લોબલ ટાઇમ્સમાં જૅક માનો એક વીડિયો પ્રકાશિત કર્યો હતો. જૅક માએ કહ્યું કે જ્યારે કોરોના વાયરસ નાબૂદ થશે ત્યારે આપણે ફરી મળીશું.
#Alibaba founder Jack Ma Yun @JackMa, the English teacher turned entrepreneur, met with 100 rural teachers from across the country via video link on Wednesday. “We’ll meet again after the [COVID-19] epidemic is over,” he said to them: report pic.twitter.com/oj2JQqZGnI
ગ્લોબલ ટાઇમ્સે જૅક માને ઇંગ્લિશ ટીચર પાસેથી ઉદ્યમી બનવાની પ્રેરણા મળી છે તેમ કહ્યું છે, જૅક માના પરિચયમાં અલીબાબાની વાત કરવામાં આવી નથી, જેની સ્થાપના તેણે પોતે કરી છે. ચીનમાં અફવા ઉડી રહી છે કે જૅકમાની કંપની અલીબાબાનું નિયંત્રણ ચીન સરકાર પોતાના હાથમાં લઇ લેશે.
જૅકમા થયા હતા ગાયબ
આ પહેલા દુનિયાભરમાં મશહૂર ચીની અમીર વ્યક્તિ જૅક મા અચાનક ગાયબ થઇ ગયા હતા તે બાદ ઘણા સવાલ ઉભા થયા હતા. જૅકમાએ સરકારી બેઁકોની આલોચના કરી હતી.
જૅક મા માટે મુશ્કેલીઓ
સરકારી બેઁકોની આલોચના બાદ જૅક માની મુશ્કેલીઓ વધી ગઇ હતી. જે બાદ જીનપિંગ સરકાર પર પ્રશ્નો ઉઠવા લાગ્યા હતા. જૅક મા પહેલા એવા ચીની નાગરિક નથી જેનાથી ડ્રેગન નારાજ થયુ છે. માર્ચમાં પ્રોપર્ટી બિઝનેસમેન રેન ઝીકીયાંગ પણ આ રીતે ગાયબ થયા હતા. તેણે કોરોના વાયરસ મહામારીથી ખરાબ રીતે પસાર થનાર જીનપિંગને જોકર કહી દીધો હતો. ગાયબ થયાના 6 મહિના બાદ તેને 18 વર્ષની સજા આપવામાં આવી હતી.
ત્રણ વર્ષ માટે નજરબંધ
વર્ષ 2017માં અરબપતિ ફાઇનાન્સર શિયાન જીયાનહુઆને હોંગકોંગની એક હૉટલમાંથી કાઢીને ચીન લઇ જવામાં આવ્યો હતો અને આ વાતની અધિકારીક જાણકારી કોઇની પાસે નથી પરંતુ તેને ત્રણ વર્ષ કરતા વધારે સમય નજરબંધ કરવામાં આવ્યો હતો. માત્ર બિઝનેસમેન જ નહી, ચીનના એવા લોકો વિરુદ્ધ અભિયાન છેડવાની આલોચના થતી રહે છે, જે ચીન સરકાર વિશે મોઢુ ખોલે છે.