અમદાવાદ / શહેરમાં વધુ એક એસિડ એટેકની ઘટના

અમદાવાદ શહેરમાં વધુ એક એસિડ એટેકની ઘટના સામે આવી છે. રાણીપ બાદ શાહપુરમાં એસિડ એટેકની ઘટના બની છે. શાહપુરના ગોડાજી એપાર્ટમેન્ટ પાસે પતિએ પત્ની પર ઘર કંકાસના કારણે એસિડ ફેંક્યું હોવાનું સામે આવ્યું છે. હાલ પત્નીને ગંભીર હાલતમાં સારવાર અર્થે ખસેડાઇ છે. શાહપુર પોલીસે ગુનો નોંધી તપાસ શરૂ કરી છે.

તમને જણાવી દઇએ કે, શનિવારે બનેલી ચકચારી એસિડ એટેકની ઘટના બાદ પોલીસે આત્મહત્યા કરવા જતા આરોપીને સમજાવીને તેનો જીવ બચાવ્યો હતો. આરોપીને પરત બોલાવીને પોલીસે તેની દરપકડ કરીને કાયદેસરની કાર્યવાહી હાથ ધરી છે. નરોતમ સોલંકીએ શનિવારે તેની પત્ની નીતા પર એસિડ છાંટ્યું હતું, ત્યારબાદ પોતે પણ આત્મહત્યા કરવા નીકળ્યો. પરંતુ પોલીસે તેનું ફોન પર 1 કલાક કાઉન્સેલિંગ કરીને તેને બોલાવીને તેની ધરપકડ કરી હતી.