હાલમાં જ દીપિકા પાદુકોણની ફિલ્મ ‘છપાક’નાં પોસ્ટરે લોકોમાં ભારે ચર્ચા જગાવી હતી. આ ફિલ્મમાં દીપિકા પાદુકોણ એસિડ એટેક સર્વાઈવરની ભૂમિકા ભજવશે અને ફિલ્મમાં એસિડનો ભોગ બનેલી મહિલાઓની આપવીતી જણાવશે. ત્યારે અમદાવાદમાં પણ એસિડ એટેકની વધું એક ઘટના સામે આવી છે. અમદાવાદમાં શનિવારે બનેલી ચકચારી એસિડ એટેકની ઘટના બાદ શહેરમાંથી વધું એક એસિડની ઘટના સામે આવતાં ચારેબાજુ સનસનાટી ભર્યો માહોલ છે. શનિવારે નરોતમ સોલંકીએ તેની પત્ની નીતા પર એસિડ છાંટ્યું હતું, જ્યારે વધું એક એસિડની ઘટના શાહપુર વિસ્તારની સામે આવી છે. જોઇએ સમગ્ર અહેવાલ.
અમદાવાદ શહેરમાં વધુ એક એસિડ એટેકની ઘટના સામે આવી છે. રાણીપ બાદ શાહપુરમાં એસિડ એટેકની ઘટના બની છે. શાહપુરના ગોડાજી એપાર્ટમેન્ટ પાસે પતિએ પત્ની પર ઘર કંકાસના કારણે એસિડ ફેંક્યું હોવાનું સામે આવ્યું છે. હાલ પત્નીને ગંભીર હાલતમાં સારવાર અર્થે ખસેડાઇ છે. શાહપુર પોલીસે ગુનો નોંધી તપાસ શરૂ કરી છે.
તમને જણાવી દઇએ કે, શનિવારે બનેલી ચકચારી એસિડ એટેકની ઘટના બાદ પોલીસે આત્મહત્યા કરવા જતા આરોપીને સમજાવીને તેનો જીવ બચાવ્યો હતો. આરોપીને પરત બોલાવીને પોલીસે તેની દરપકડ કરીને કાયદેસરની કાર્યવાહી હાથ ધરી છે. નરોતમ સોલંકીએ શનિવારે તેની પત્ની નીતા પર એસિડ છાંટ્યું હતું, ત્યારબાદ પોતે પણ આત્મહત્યા કરવા નીકળ્યો. પરંતુ પોલીસે તેનું ફોન પર 1 કલાક કાઉન્સેલિંગ કરીને તેને બોલાવીને તેની ધરપકડ કરી હતી.