મહેસાણાની બેડમિન્ટન ખેલાડી તસનીમ મીર રાયપુરમાં રમાયેલી ઇન્ડિયા છત્તીસગઢ ઇન્ટરનેશનલ સ્પર્ધા ચેમ્પિયન બની છે.
મહેસાણાની બેડમિન્ટન ખેલાડી તસનીમ મીરની વધુ એક સિદ્ધિ
ઇન્ડિયા છત્તીસગઢ ઇન્ટરનેશનલ સ્પર્ધા તસનીમ ચેમ્પિયન બની
સિનિયર કેટેગરીમાં તસનીમનો પ્રથમ આંતરરાષ્ટ્રીય ખિતાબ
મહેસાણાની બેડમિન્ટન ખેલાડી તસનીમ મીરે વધુ એક ઝળહળતી સિદ્ધિ હાંસલ કરી છે. રાયપુર ખાતે ઇન્ડિયા છત્તીસગઢ વચ્ચે રમાયેલી ઇન્ટરનેશનલ સ્પર્ધામાં તસનીમ ચેમ્પિયન બની છે. જેમાં સિનિયર કેટેગરીમાં તસનીમનો પ્રથમ આંતરરાષ્ટ્રીય ખિતાબ મળ્યો છે. તસનીમ મીરે ક્વાટર્સમાં વિશ્વની 53 ક્રમાંકીત અને સેમી ફાઈનલમાં પ્રથમ ક્રમાંકિત ભારતીય ખેલાડીને હરાવી સ્થાન મેળવ્યું છે.
વર્લ્ડ રેન્કિંગમાં ટોપ 100 માં તસનીમ મીરે મેળવ્યુ સ્થાન
જ્યારે વર્લ્ડ રેન્કિંગમાં ટોપ 100 માં તસનીમ મીરે ગૌરવવંતુ સ્થાન મેળવ્યું છે. જેને લઈને પરિવારજનોમાં પણ ખુશીની લહેર જોવા મળી રહી છે. મહત્વનું છે કે, તસનીમના પિતા પોલીસકર્મી છે અને તસનીમના કોચ પણ છે.અગાઉ તસનીમ મીર સાઈના નહેવાલ સાથે ભારતીય ટીમમાં રમી હતી. ઉપરાંત ડેનમાર્કમાં થોમસ એન્ડ ઉબેર કપ સહીતમાં રમી એનક સફળતા પોતાના નામે કરી છે.
અગાઉ બેડમિન્ટનમાં મેળવ્યો હતો નંબર વન ક્રમાંક
વધુમાં થોડા માસ આગાઉ જ ગુજરાતની બેડમિન્ટન ખેલાડી તસનીમ મીરે સમગ્ર વિશ્વમાં દેશ સહિત ગુજરાતનું ગૌરવ વધાર્યું હતું. મહેસાણાની બેડમિન્ટન ખેલાડી તસનીમ મીરે આંતરરાષ્ટ્રીય સ્તરે જુનિયર ખેલાડી તરીકે વિશ્વ રેન્કિંગમાં પ્રથમ ક્રમાંક હાંસલ કર્યો હતો. તસનીમ 10,810 પોઈન્ટ સાથે પ્રથમ ક્રમાંક પર આવી હતી. ઉલ્લેખનીય છે કે તસનીમે વર્ષ 2017માં ફુલેલા ગોપીચંદ એકેડમીથી તાલીમની શરુઆત કરી હતી. તસનીમના મિક્સ્ડ ડબલ્સ પાર્ટનર અયાન રશિદની તાલીમ ગુવાહાટીમાં અસમ બેડમિન્ટન એકેડમીમાં થતી હોવાને કારણે તસનીમે પણ 2020થી ત્યાં તાલીમ મેળવવાનો નિર્ણય લીધો હતો.