સહાયતા / રશિયા પર થયો સાયબર અટેક, સરકારી વેબસાઈટો ઠપ્પ, દુનિયાના સૌથી કુખ્યાત હેકર્સ ગ્રુપનો યુક્રેનને સપોર્ટ

• યુક્રેનને મળ્યો Anonymous હેકર ગ્રુપનો સાથ
• આ હેકર ગ્રુપે રશિયા સામે સાઈબર વોર શરૂ કર્યુ
• રશિયાની સરકારી વેબસાઈટ્સને નિશાન બનાવીને બંધ કરી

રશિયાની સરકાર સામે સાઈબર વોરની શરૂઆત

આ ગ્રુપનું પ્રતિનિધિત્વ કરવાનો દાવો કરનારા સોશિયલ મીડિયા એકાઉન્ટે દાવો કર્યો કે આવા લોકોએ રશિયાની સરકાર સામે સાઈબર વોરની શરૂઆત કરી દીધી છે. એવો પણ દાવો કરવામાં આવ્યો છે કે યુક્રેનમાં રશિયલ મિલિટ્રી એક્શનને કારણે રશિયાની ડઝન વેબસાઈટ્સને નિશાન બનાવીને ડાઉન કરી દીધી છે. એક રશિયન ન્યૂઝ સાઈટ મુજબ રશિયન સરકારની વેબસાઈટ્સ, સંરક્ષણ મંત્રાલય જેવી ઘણી વેબસાઈટ્સ આ સાઈબર એટેકના કારણે ડાઉન રહીં. કેટલીક વેબસાઈટ્સ તો સ્લો થઇ ગઇ જ્યારે અમુક વેબસાઈટ્સને ઑફલાઈન કરી દેવામાં આવી છે. આ આખો દિવસ ચાલુ રહ્યું. 

Several Russian government websites are down. #Anonymous #Ukraine

— Anonymous (@YourAnonOne) February 24, 2022

પુતિનનો સમય ગયો, હવે એટેકને રિકવર કરવામાં મુશ્કેલી આવશે

એકાઉન્ટ તરફથી ટ્વિટ કરવામાં આવ્યું છે કે અમે લોકો legion છે, પુતિનના સમયે જે લોકોના જીવ ગયા છે, તેને અમે ભૂલીશું નહીં. જેની સાથે જોડાયેલા બીજા એકાઉન્ટે ટ્વિટ કર્યુ પુતિનનો સમય ગયો હવે એટેકને રિકવર કરવામાં ખૂબ મુશ્કેલી આવશે. રિપોર્ટ મુજબ ન્યુઝ સાઇટ RT.Com પર રશિયન પ્રોપગેન્ડા ફેલાવવાનો આરોપ લગાવીને નિશાન બનાવવામાં આવ્યો. ડિસેન્ટ્રલાઇઝ્ડ કલેક્ટિવ હોવાના કારણે Anonymousની પાસે કોઈ કેન્દ્રીય નેતૃત્વ નથી. જેના કારણે મોટા રાજકીય  મતભેદને કારણે ઉત્પન્ન થયેલા વિવાદ માટે તેનું ઓપરેશન ઓળખાય છે. Anonymous સાથે જોડાયેલા હેકર્સ તેની પહેલા પણ આ પ્રકારના એટેક કરતા રહ્યાં છે.