હાઇવોલ્ટેજ ડ્રામા / ટિકિટ ન મળવાથી નારાજ AAP નેતા ટાવર પર ચઢી ગયા! લોકોને યાદ આવી ગઈ શોલે ફિલ્મ, જુઓ વીડિયો

• ટિકિટ ન આપતા પૂર્વ કાઉન્સિલર ટાવર પર ચઢ્યો
• હસીબ-ઉલ-હસન હાઇ ટેન્શન વાયરના ટાવર પર ચઢ્યો
• "છેલ્લા સમય મારી ટિકિટ કાપી નાખી છે"

દિલ્હીમાં નગર નિગમ(MCD) ચૂંટણીમાં એક કાર્યકર્તાને પાર્ટી ટિકિટ ન મળતા તેનો વિરોધ ખુલી ને સામે આવ્યો છે. આમ આદમી પાર્ટી તરફથી ટિકિટ ન મળવા પર નારાજ પૂર્વ કાઉન્સિલર હસીબ-ઉલ-હસન હાઇ ટેન્શન વાયરના ટાવર પર ચઢી ગયા હતા.

હસીબ-ઉલ-હસનો આપ પર આરોપ
હસીબ-ઉલ-હસને આમ આદમી પાર્ટી પર આરોપ લગાવ્યા છે. તેણે આરોપ લગવાતા કહ્યું છે કે, આપના નેતાઓએ મારી સાથે દગો કર્યો છે, છેલ્લા ઘડીએ મારી ટિકિટ કાપી નાખી છે. જે સમગ્ર ઘટનાની પોલીસને જાણ થતા પોલીસ ઘટનાસ્થળે પહોંચી હતી. 

Delhi |Had media not come Durgesh Pathak,Atishi,Sanjay Singh wouldn't have returned my paper.They sold ticket to Deepu Chaudhary for Rs 3 Cr,demanded money from me but I don't have any: AAP's Haseeb-ul-Hasan who climbed transmission tower allegedly for not getting MCD poll ticket pic.twitter.com/P5ienYKqVc

— ANI (@ANI) November 13, 2022

ઘટના સ્થળે લોકોના ટોળા ઉમટ્યા
આપના પૂર્વ કાઉન્સિલર હસીબ-ઉલ-હસન શાસ્ત્રી પાર્ક મેટ્રો સ્ટેશનની પાસે એક ટ્રાંસમિશન ટાવર પર ચઢી ગયાની લોકોને જાણ થતાં તે જોવા માટે લોકોની ભીડ જામી હતી. જે સમગ્ર ઘટનાની પોલીસ અને ફાયર બ્રિગેડની જાણ થતાં તે ઘટનાસ્થળે પહોંચ્યા હતા. 

આપએ એમસીડી ચૂંટણી માટે બીજી યાદી જાહેર કરી
તમને જણાવી દઈએ કે દિલ્હીના એમસીડી ચૂંટણી માટે આપએ શનિવારે 117 ઉમેદવારોની બીજી યાદી જાહેર કરી છે. આપએ સર્વેના આંકડા અનુસાર નવા-જૂના કાર્યકર્તાઓને સ્થાન આપ્યું છે.  આપએ 117 ઉમેદવારોનું અંતિમ લિસ્ટ જાહેર કર્યું છે. જેમાં સંગઠન સાથે જોડાયેલા કાર્યકર્તાઓ મોકો આપવામાં આવ્યો છે.

ચૂંટણી લડવા માટે 20 હજાર કાર્યકર્તાઓની અરજી
કોર્પોરેશનની ચૂંટણી લડવા માટે 20 હજારથી વધુ કાર્યકરોએ અરજી કરી હતી. કેજરીવાલની અધ્યક્ષતામાં યોજાયેલી બેઠકમાં PACના તમામ સભ્યોએ હાજરી આપી હતી. વિચાર-વિમર્શ પછી કેજરીવાલે PAC સભ્યોના મંતવ્યો લીધા અને સર્વસંમતિથી 117 ઉમેદવારોની બીજી અને અંતિમ યાદી બહાર પાડી હતી.