શ્રદ્ધા કે અંધશ્રદ્ધા / મહેસાણાના છઠિયારડા ગામે મહંત સમાધિ લઈ ન શકતા કહ્યું, આજથી હું ભક્તિ છોડું છું

• છઠિયારડાના મહંતની દેહત્યાગની જાહેરાત
• આજે 10 વાગે દેહત્યાગ કરવાની કરી હતી જાહેરાત
• મોટી સંખ્યામાં ભક્તો આશ્રમ પાસે એકઠા થયા

મહેસાણાના છઠિયારડાના મહંત સપ્તસુલ દેહત્યાગની જાહેરાત કરી હતી. 4 એપ્રિલના દિવસે રાત્રીના 10 કલાકે દેહત્યાગ કરવાની જાહેરાત કરી હતી. મોટી સંખ્યામાં ભક્તો આશ્રમ પાસે એકઠા થયા છે. તો આશ્રમમાં ચુસ્ત પોલીસ બંદોબસ્ત ગોઠવવામાં આવ્યો હતો. પરંતુ મહંત સમાધિ લઈ શક્યા નહોતા.

મહેસાણાના કબીરધામ મહંત સપ્તસુલ સમાધી લઈ શક્યા નહીં. સમાધિ અવસ્થામાં મહંત દેહત્યાગ કરી શક્યા નહીં. જે બાદ સમાધિમાંથી ઉઠીને મહંત દ્વારા અન્ય રીતે સમાધિ આપવાની માગણી કરાઈ હતી. વારંવાર મંહત દ્વારા કહેવાયું કે, મને સમાધિ આપો.. છેલ્લા ૧૫ વર્ષથી મને કુદરતે બધું આપ્યું છે. ભક્તો આજે હું માફી માંગુ છું. હું સમાધિમાં જઈશે તેવો મને કુદરત પર વિશ્વાસ હતો. હું અત્યારે પણ સમાધિ લેવા તૈયાર છું. આજથી હું ભક્તિ છોડું છું. કુદરત મારી વાત સ્વીકારી નહીં. આજના બનાવથી મને ખૂબ દુઃખ થયું છે. ગમે તેમ કરી મને સમાધિ આપો તેવી મહંતે અપીલ કરી હતી.

મહેસાણાના છઠિયારડામાં મહંતની સમાધિના માટે લોકોમાં ક્યાંક અસમંજસ છે તો ક્યાંક રોષ સામે આવ્યો છે. આ માટે કેટલાક ધર્મપ્રેમીઓ મહંતની સમાધિ રોકવા આશ્રમ પહોંચ્યા છે. સમાધિ નહિં લેવા દઈએ તેમ કહીંને રોષ વ્યકત કર્યો હતો. મહંત સાથે બેઠક કરી મહંતને સમજાવવા ધર્મપ્રેમીઓ પ્રયાસ કરી રહ્યાં છે.

કઈ રીતે સમાધી લેશે મંહત સપ્તસુલ

મહેસાણાના છઠિયારડા ગામે મહંત સપ્તસુલ દ્વારા સમાધીની જાહેરાત બાદ તેમના ભક્તગણ આશ્રમે પહોંચ્યા હતા. જો કે, આ ઘટનાની જાણ થતા પોલીસનો કાફલો પણ પહોંચી ગયો હતો. મંહત સપ્તસુલ દ્વારા સભામાં પ્રવચન દરમિયાન સમાધી લેવાની જાહેરાત કરાઈ હતી. જેમાં તેઓ પ્રવચન દરમિયાન શ્વાસ રોકીને સમાધી લેશે. અને જો તેમને સમાધી લાગશે. એ પ્રમાણે જાહેરાત કરી હતી.

સમાધી અંગે પોલીસનું નિવેદન

સમાધીની વાત પછી પોલીસના અધિકારીઓ ઘટનાસ્થળે પહોંચ્યા હતા. પોલીસને પૂછવામાં આવ્યું કે, સમાધીએ એક પ્રકારનો અંધ વિશ્વાસને પ્રોત્સાહન આપવું અને આપઘાત બને છે. ત્યારે શું તેમની વિરુદ્ધ કોઈ પગલા લેવાશે. જેના જવાબમાં પોલીસે કહ્યું, કે શ્વાસ રોકવાની પ્રક્રિયા એ કોઈ આપઘાતનો કેસ નથી. આ તેમની એક ધાર્મીક લાગણી છે. તેમની વિરુદ્ધ કોઈ કોમેન્ટ કરી શકાય નહીં.