બજેટ / દેશમાં હવે એક પ્લેટફોર્મ પર મળશે તમામ સ્વાસ્થ્ય સુવિધાઓ, નાણામંત્રીએ બજેટમાં કરી નવા પોર્ટલની જાહેરાત

• કોરોનાકાળમાં હેલ્થ સેક્ટરને લઈને મોટી જાહેરાત
• એક જ પ્લેટફોર્મ પર મળશે તમામ જાણકારી
• આપના સ્વાસ્થ્ય સાથે જોડાયેલી જાણકારી મળી રહેશે

નાણામંત્રી નિર્મલા સીતારમણે આજે નાણાકીય વર્ષ 2022-23 માટે કેન્દ્રીય બજેટ રજૂ કર્યું છે. આ મોદી સરકારના બીજા કાર્યકાળનું ચોથુ બેજટ છે. આ બજેટ કોરોના મહામારી દરમિયાન રજૂ થયું છે. એટલા માટે તેનું મહત્વ વધી જાય છે. નાણામંત્રી નિર્મલા સીતારમણનું પણ આ ચોથું બજેટ હશે. નિર્મલા સીતારમણે કહ્યું કે, નેશનલ ડિજીટલ હેલ્થ ઈકોસિસ્ટમ માટે એક ઓપન પ્લેટફોર્મની શરૂઆત કરવામાં આવશે. તેમાં હેલ્થ પ્રોવાઈડર્સ અને સ્વાસ્થ્ય સુવિધાઓ માટે એક ડિજીટલ રજીસ્ટ્રીઝ શામેલ હશે. તેની સાથે પ્લેટફોર્મમાં યુનિક હેલ્થ આઈડી અને સ્વાસ્થ્ય સિવિધાઓને યુનિવર્સલ એક્સેસ મળશે.

કેન્દ્રીય નાણામંત્રી નિર્મલા સીતારમણે મંગળવારે સંસદમાં કેન્દ્રીય બજેટ 2022-23 રજૂ કર્યું છે. બજેટમાં હેલ્થ સેક્ટરની કેટલીય મોટી જાહેરાતો કરવામાં આવી છે. નાણામંત્રીએ સ્વાસ્થ્ય પર ફોક્સ કરતા નેશનલ ડિજીટલ હેલ્થ ઈકોસિસ્ટમ માટે ઓપન પ્લેટફોર્મ શરૂ કરવાની વાત કહી છે. સરળ ભાષામાં કહીએ તો, હેલ્થ ઈકોસિસ્ટમ માટે સરકાર ડિજીટલ પ્લેફોર્મ લાવશે. એટલે કે, સ્વાસ્થ્ય સાથે જોડાયેલી જાણકારી ઓનલાઈન મળશે.

પોઈન્ટમાં સમજો નાણામંત્રીએ કરેલી હેલ્થ સેક્ટર માટેની જાહેરાત

• નેશનલ ડિજીટલ હેલ્થ ઈકોસિસ્ટમ લોન્ચ થશે. તેના દ્વારા કેટલાય પ્રકારની જાણકારીઓ મળશે. જેમ કે, તેની મદદથી હેલ્થ પ્રોવાઈડર્સ વિશે જાણકારી મળશે, કઈ સ્વાસ્થ્ય સુવિધાઓ સરકાર સામાન્ય લોકોને આપી રહી છે, તેના લેખાજોખા અહીં મળશે.
• નેશનલ ડિજીટલ હેલ્થ ઈકોસિસ્ટમમાં જ દરેક નાગરિકનું યુનિક હેલ્થ આઈડેંટિટિ હશે. એટલે કે આપના સ્વાસ્થ્યની તમામ જાણકારી અહીં મળશે.
• નાણામંત્રીએ કહ્યું કે, મહામારીના કારણે લોકોનું માનસિક સ્વાસ્થ્ય પણ બગડ્યું છે. તેના માટે નેશનલ મેંટલ હેલ્થ પ્રોગ્રામ લોન્ચ કરવામાં આવશે. નેશનલ મેંટલ હેલ્થ પ્રોગ્રામમાં 23 એવી સંસ્થાઓને સાથે લાવવામાં આવશે, જે માનસિક સ્વાસ્થ્ય માટે કામ કરી રહ્યું છે.
• લોકો તણાવ, ડિપ્રેશન અને બેચેની જેવા મુદ્દા પર વાત કરી શકશે અને આવા મેંટલ ડિસઓર્ડર્સની સારવાર લઈ શકશે, તેના માટે નિષ્ણાંતો સાથે ફોન પર વાતચીત પણ કરી શકશે.
• નેશનલ ટેલી મેંટલ હેલ્થ પ્રોગ્રામ દ્વારા લોકો ડાયરેક્ટ નિષ્ણાંતો સાથે વાત કરશે અને પોતાની સમસ્યાનું સમાધાન મેળવી શકશે.
• વિશ્વ સ્વાસ્થ્ય સંગઠનનું કહેવું છે કે, દુનિયાભરમાં માનસિક બિમારીઓ સાથે જોડાયેલા કિસ્સા વધી રહ્યા છે. તેની સીધી અસર સ્વાસ્થ્ય અને અર્થવ્યવસ્થા સાથે જોડાયેલા ક્ષેત્રો પર પડી રહી છે. માનસિક વિકારોમાં સૌથી વધારે કેસ ડિપ્રેશનના આવે છે. આ સૌથી કોમન હેલ્થ ડિસઓર્ડર છે. દુનિયાભરમાં તેના 26 કરોડ લોક દર્દીઓ છે.
• વિશ્વ સ્વાસ્થ્ય સંગઠનના જણાવ્યા અનુસાર ડિપ્રેશનથી સૌથી વધારે મહિલાઓ ઝઝૂમી રહી છે. રિસર્ચ રિપોર્ટ કહે છે કે, કોરોનાકાળમાં ડિપ્રેશન, સ્ટ્રેસ અને બેચેનીના કિસ્સા વધી રહ્યા છે. કેન્દ્ર સરકારના નેશનલ ટેલી મેંટલ હેલ્થની મદદથી લોકોની મોટી રાહત મળી શકે છે.