ગુજરાતમાં તારીખ 1 અને 5 ડિસેમ્બરના રોજ 15મી વિધાનસભાની બે તબક્કામાં ચૂંટણી યોજાઇ. જેનું મતદાન ગઈકાલે પૂર્ણ થઇ ગયું છે તેમજ 8 ડિસેમ્બરના રોજ પરિણામ આવશે. ત્યારે આ ચૂંટણીમાં વિધાનસભાની 182 બેઠકો માટે કુલ 1621 ઉમેદવારો મેદાનમાં હતા. જેમાં પહેલા તબક્કાની 89 બેઠકો માટે 788 ઉમેદવારો અને બીજા તબક્કાની 93 બેઠકો માટે 833 ઉમેદવારો વચ્ચે જંગ ખેલાયો હતો. બંને તબક્કામાં કુલ 64.30 ટકા મતદાન નોંધાયું છે. જે ગત ચૂંટણી કરતા 4 ટકા ઓછું છે. ગુજરાતમાં 2017માં બંને તબક્કામાં કુલ 68 ટકા મતદાન નોંધાયું હતું. મતગણતરીને લઈ તે સુરત જિલ્લા કલેકટરે જાહેરનામું બહાર પાડ્યું છે.
મતગણતરીના દિવસ માટે સુરત કલેકટરનું જાહેરનામું
મતગણતરીના દિવસ માટે સુરતના કલેકટરનું જાહેરનામું બહાર પાડ્યું છે. જેમાં ચારથી વધુ વ્યક્તિ ભેગા થવા પર પ્રતિબંધ ફરમાવ્યો છે તેમજ ગણતરી કેન્દ્રો પર પ્રવેશ પાસ વિના પ્રવેશ મળશે નહી તવું ફરમાન જણાવ્યું છે. ઉમેદવારો અને મતગણતરી એજન્ટ માટે પણ પ્રવેશ પાસ ફરજીયાત કહ્યું છે. જે જાહેરનામાં જણાવ્યું છે કે, મતગણતરી કેન્દ્રમાં મોબાઈલ,કોર્ડલેસ ફોન સહીતની વસ્તુ પર અને મતગણતરી કેન્દ્રોમાં ઇલેક્ટ્રોનિક ગેજેટ્સ લઈ જવા પર પ્રતિબંધ રહેશે. સુરતની SVNIT કોલેજ અને ગાંધી કોલેજ ખાતે મતગણતરી થશે.
બંને તબક્કામાં 64.30 ટકા મતદાન
ગુજરાત વિધાનસભાની ચૂંટણીના બંને તબક્કામાં 64.30 ટકા મતદાન નોંધાયું છે. જે ગત ચૂંટણી કરતા 4 ટકા ઓછું છે. ગુજરાતમાં 2017માં બંને તબક્કામાં કુલ 68 ટકા મતદાન નોંધાયું હતું. ચૂંટણીપંચ દ્વારા જાહેર કરવામાં આવેલા આંકડા અનુસાર, રાજ્યમાં સૌથી વધુ મતદાન નર્મદા જિલ્લામાં નોંધાયું છે. નર્મદા જિલ્લામાં કુલ 78.42 ટકા મતદાન નોંધાયું છે. જ્યારે સૌથી ઓછું મતદાન બોટાદ જિલ્લામાં નોંધાયું છે. બોટાદ જિલ્લામાં 57.59 ટકા મતદાન નોંધાયું છે.