સ્પોર્ટ્સ / ક્રિકેટ રસિયાઓ માટે ખુશખબર : IPL 2022 માટે મેગા ઓક્શનની તારીખ જાહેર

• IPLના મેગા ઓક્શનની તારીખ જાહેર
• માત્ર ચાર જ ખેલાડીઓને રિટેન કરી શકાશે
• બે નવી ટીમોનો સમાવેશ કરવામાં આવશે   

IPLની બાકીની મેચ 19 સપ્ટેમ્બરથી UAEમાં રમાશે
મેગા ઓક્શનની મુખ્ય બાબત એ રેહશે કે, પ્રત્યેક ટીમ માત્ર ચાર જ ખેલાડીઓને રિટેન કરી શકશે.  IPLની હાલની સીઝન કોરોનાના કારણે અનિશ્ચિત સમય માટે અટકાવી દેવામાં આવી હતી, જેની બાકી રહેલી મેચ 19 સપ્ટેમ્બરથી UAEમાં રમાશે. ક્રિકેટના ચાહકો સાથે ખેલાડીઓ પણ IPLની આગામી સિઝનની આતુરતાથી રાહ જોઈ રહ્યા છે કારણકે આગામી સિઝનમાં IPLનું મેગા ઓક્શન થવાનું છે.

IPLની આગામી સિઝનમાં 10 ટીમ રમશે
IPLની આગામી સિઝનમાં બે નવી ટીમોનો સમાવેશ કરવામાં આવશે. અત્યાર સુધી IPL 8 ટીમ સાથે રમાય છે. 2 નવી ટીમનો સમાવેશ થતાની સાથે જ પ્રથમ વાર એવું બનશે કે, IPLની એક સિઝનમાં 10 ટીમ રમશે. જેનાથી BCCIને કરોડોની કમાણી થશે.

ડિસેમ્બર મહિનામાં BCCI મેગા ઓક્શન કરી શકે છે
સુત્રો મુજબ, ડિસેમ્બર મહિનામાં BCCI મેગા ઓક્શન કરી શકે છે. જેમાં નવેસરથી ખેલાડીઓની લે-વેચ કરવામાં આવશે. પ્રત્યેક ટીમ માત્ર 4 જ ખેલાડીઓને રિટેન કરી શકશે. નવી 2 ટીમ માટે 50 જેટલા ખેલાડીઓને અવસર મળશે.

BCCI ઓગસ્ટ મહિનામાં ટીમના ટેન્ડર રજુ કરી શકે છે
ઓગસ્ટ મહિનામાં BCCI નવી બે ટીમના ટેન્ડર રજુ કરી શકે છે. ગોયેન્કા અને અદાણી ગ્રુપ IPLની ટીમ ખરીદવાની રેસમાં સૌથી આગળ છે. 2 નવી ટીમનો સમાવેશ થવાથી મેચની સંખ્યામાં પણ વધારો થશે. તેવામાં 2022ના જાન્યુઆરી મહિનામાં BCCI ટીમના મિડિયા રાઈટ્સ માટે ટેન્ડર રજુ કરી શકે છે.