અમદાવાદ કોર્પોરેશનની લેબમાં અકુંર મીઠું પરિક્ષણમાં ફેઇલ, મીઠામાં કાંકરા હોવાની ફરિયાદ મળતા કરવામાં આવ્યુ હતુ ટેસ્ટિંગ
અંકુર મીઠું ખાતા પહેલાં ચેતજો
અકુંર મીઠાનો રિપોર્ટ સબ સ્ટાન્ડર્ડ
AMCની લેબમાં અકુંર મીઠું પરીક્ષણમાં ફેઇલ
બજારમાં એવી કેટલીક વસ્તુઓ મળે છે જેને પહેલી નજરે જોઇને ખરીદવાની ઇચ્છા થઇ જાય. તો બીજી તરફ જાહેરાતો પણ એટલી કરવામાં આવે છે કે કોઇ પણ વ્યક્તિ વિશ્વાસ પૂર્વક તે વસ્તુ ખરીદે જ. પરંતુ કહેવાય છે ને જેટલુ પીળુ એટલુ સોનું નહી. ત્યારે અમદાવાદમાં પણ કંઇક આવુ જ જોવા મળ્યુ.
અંકુર મીઠું પરિક્ષણમાં ફેઇલ
આજકાલ તમે જુઓ તો મીઠામાં પણ અલગ અલગ વેરાયટી જોવા મળી છે. રોક સોલ્ટ, આયોડિન નમક, હિમાલય પિંક સોલ્ટ અને બીજા ઘણા બધા. શુદ્ધ મીઠું હોવાની જાહેરાતો તો કરે છે પરંતુ મીઠું કેટલું ગુણવત્તાયુક્ત છે તેની તો ચકાસણી કર્યા બાદ જ ખબર પ઼ડે. ત્યારે અમદાવાદ કોર્પોરેશનની લેબમાં અંકુર મીઠું પરીક્ષણમાં ફેલ ગયુ હોવાનું સામે આવ્યું છે.
અંકુર મીઠાનો રિપોર્ટ સબ સ્ટાન્ડર્ડ આવ્યો
જો તમે અંકુર મીઠાનો ઉપયોગ કરી રહ્યા હોવ તો આજે જ આ મીઠું ફેંકી દો. કારણ કે આ મીઠું એએમસીના આરોગ્ય વિભાગ દ્વારા કરવામાં આવેલા પરીક્ષણમાં ફેઇલ ગયુ છે. અંકુર મીઠાનો રિપોર્ટ સબ સ્ટાન્ડર્ડ આવ્યો છે. ગ્રાહક સુરક્ષાનું કામ કરતી એક સંસ્થા દ્વારા આરોગ્ય વિભાગને ફરિયાદ કરવામાં આવી હતી જે મામલે તપાસ કરાતા આ મીઠું ટેસ્ટિંગમાં ફેઇલ ગયુ છે. અમદાવાદ મહાનગર પાલિકા દ્વારા બીજી વાર મીઠાનું સેમ્પલ લેવાશે.
AMCએ કેવી રીતે પકડી પોલ
AMCના આરોગ્ય અધિકારી ડૉ. ભાવિન જોષીએ આ અંગે વધુમાં જણાવ્યુ હતું કે દુકાનમાંથી મીઠુ ખરીદ્યુ તો તેમાં કાંકરી અને પથ્થર હોવાની ફરિયાદ અમને મળી હતી. ત્યારબાદ ટીમ દ્વારા ફરિયાદીના ઘરે જઇને મીઠાનું ઇન્ફોર્મલ સેમ્પલ લઇને તપાસ માટે લેબોરેટરીમાં મોકલાવ્યુ હતું જેનો રિપોર્ટ સબ સ્ટાન્ડર્ડ આવ્યો. ત્યારે હવે કોર્પોરેશન દ્વારા મેન્યુફેક્ચરરના ત્યાં જઇને સેમ્પલ લેવામાં આવશે. તથા જો મેન્યુફેચરિંગ એરિયાની બહાર હશે તો ડિસ્ટ્રીક્ટ ફૂડ સેફ્ટી ઓફિસર દ્વારા સેમ્પલ લઇને ફરીથી લેબમાં મોકલી આપવામાં આવશે.