ખુલાસો / આવતા વર્ષે સુશાંત સાથે કરીશ લગ્ન, અંકિતાનો આ વીડિયો થઇ રહ્યો છે વાયરલ

• અંકિતાનો વીડિયો થઇ રહ્યો છે વાયરલ
• સુશાંત સાથે કરવાની હતી લગ્ન 
• શેખર સુમનના શૉમાં કર્યો હતો ખુલાસો

શેખર સુમનના શૉ પર જ્યારે અંકિતાને પૂછવામાં આવ્યું હતું કે એક પોપ્યુલર ડાન્સ શૉમાંથી બહાર થઇ ગઇ હતી તો તેણે ગુસ્સો કોના પર ઉતાર્યો હતો, ત્યારે અંકિતાએ હસીને સુશાંતનું નામ લીધુ હતુ. બાદમાં તેણે જણાવ્યું હતું કે સુશાંતને તે વખતે 30 પોઇન્ટ મળ્યા હતા ત્યારે તેણે સુશાંતને પૂછ્યું હતું કે તું કેવી રીતે 30 પોઇન્ટ લાવી શકે છે અને તેને જેલેસી પણ થઇ હતી જ્યારે કોરિયોગ્રાફર સુશાંતની બાંહોમાં હતી. 

અંકિતાએ કહ્યું કે સુશાંત જ્યારે શૉથી બહાર થયો ત્યારે તેને ખુબ દુખ થયુ હતુ, સુશાંતને બેક પ્રોબ્લેમ હતો જેના કારણે તેણે શૉ છોડ્યો હતો. તેણે ખુલ્લે આમ કહ્યું હતું કે, સુશાંત અને અંકિતા એકબીજાને ખુબ જ પ્રેમ કરે છે. સાથે જ તેણે કહ્યું કે તેમનો પવિત્ર રિશ્તો ખુબ જ સ્ટ્રોંગ છે. 

તમને જણાવી દઇએ કે 14 જૂને સુશાંતે તેના મુંબઇ વાળા ઘરમાં ફાંસી લગાવીને આત્મહત્યા કરી લીધી હતી. તેમના નિધન બાદ બોલિવૂડમાં નેપોટીઝમનો મુદ્દો ખુબ ચગ્યો છે.