ટેલિવિઝન જગતની જાણીતી અભિનેત્રી બનવાથી લઈને બોલિવૂડ સુધી પહોંચનારી એક્ટ્રેસ અંકિતા લોખંડે બેબાકીથી પોતાનો મત રજૂ કરવા બાબતે આજકાલ ખૂબ જ ચર્ચામાં છે. તેણે સુશાંતના કેસમાં પોતાનો અવાજ ઉઠાવ્યો અને સોશિયલ મીડિયા પર કંગના રનૌતના સપોર્ટમાં પણ બોલતી જોવા મળી. આ દરમિયાન તેને અનેક વિવાદોનો પણ સામનો કરવો પડ્યો છે. ત્યારે હવે અંકિતા તેની હાલની તસ્વીરોને લઈને ખૂબ જ ચર્ચામાં છે. અંકિતાની આ તસવીરો જોઈને લોકો નારાજ થઈ રહ્યાં છે અને તેને સલાહ આપી રહ્યાં છે.
સુશાંતની એક્સ ગર્લફ્રેન્ડ અંકિતા ફરી ચર્ચામાં
કપડાંને લઈને અંકિતા પર નારાજ થયા યુઝર્સ
અંકિતાને યુઝર્સ આપી રહ્યાં છે સલાહ
હકીકતમાં અંકિતા લોખંડેએ હાલમાં જ ઈન્સ્ટાગ્રામ પર કેટલીક તસવીરો શેર કરી છે. આ તસવીરોમાં તેણે જણાવ્યું કે, તે પોતાની હેરસ્ટાઈલને લઈને ઘણી જ ખુશ છે. જે તેની મોમને કરી આપી છે. અંકિતાએ આ તસવીરોમાં ગ્રે ટોપ અને ઓમ પ્રિન્ટનું ટ્રાઉઝર પહેર્યું છે. બસ આ જ ટ્રાઉઝરને જોઈને લોકો નારાજ થઈ રહ્યાં છે.
અંકિતાની આવી તસવીરો જોઈને લોકોને તેને આવા કપડાં ન પહેરવાની સલાહ આપી રહ્યાં છે. ઘણાં લોકોએ તેની હેરસ્ટાઈલના વખાણ કર્યાં તો કેટલાક લોકોએ તેના ઓમ પ્રિન્ટના ટ્રાઉઝર પહેરવા પર નારાજગી વ્યક્ત કરી છે.
અંકિતાની આ તસવીરો સોશિયલ મીડિયા પર ખૂબ જ વાયરલ થઈ રહી છે અને લોકો ખૂબ પ્રતિક્રિયાઓ પણ આપી રહ્યાં છે. અંકિતા સોશિયલ મીડિયા પર ઘણી જ એક્ટિવ રહે છે. આ પહેલાં અંકિતાએ ઈન્સ્ટાગ્રામ પર ગાર્ડનિંગ કરતા તસવીરો શેર કરી હતી. જેમાં તે પોતાના ડોગી સાથે છોડ લગાવતી જોવા મળી હતી.