ઈમોશનલ થઇ અંકિતા
એક સમય હતો જ્યારે દરેક જગ્યાએ અંકિતા લોખંડે અને સુશાંત સિંહ રાજપૂતની ચર્ચાઓ ચાલતી હતી. અમુક વર્ષો સુધી એકબીજાને ડેટ કર્યા બાદ બંને અલગ થઇ ગયા હતા. આજે ભલે સુશાંત સિંહ રાજપૂત દુનિયામાં નથી, પણ અંકિતાનાં દિલમાં તેમના માટે સમ્માન આજે પણ છે. કદાચ એટલા માટે જ DID Super Momsનાં મંચ પર સુશાંત સિંહ રાજપૂતને યાદ કરતા કરતા એક્ટ્રેસ ઈમોશનલ થઇ ગઈ.
DID Super Momsનો નવો પ્રોમો સામે આવ્યો છે. પ્રોમોમાં કન્ટેસ્ટંટ સાધના મિશ્રા અને તેના કોરિયોગ્રાફર લક્ષ્યનાં ગીત કિતની બાતે પર ડાન્સ કરતા જોવા મળી રહ્યા છે. પર્ફોર્મન્સ દરમિયાન, સ્ક્રીન પર સુશાંત સિંહ રાજપૂતની તસ્વીર પણ જોવા મળે છે. સુશાંત સિંહ રાજપૂતને ડેડીકેટ આ પર્ફોર્મન્સ જોઇને અંકિતા લોખંડે ઈમોશનલ થઇ જાય છે અને રડવા લાગે છે. સુશાંત સિંહ રાજપૂત અને પોતાના સંબંધ પર વાત કરતા અંકિતા લોખંડે કહે છે કે, તે મારો ખૂબ જ નજીકનો મિત્ર હતો. મને વિશ્વાસ છે કે તે જ્યાં પણ હશે, ખુશ હશે.
પવિત્ર રિશ્તા દરમિયાન થયો હતો પ્રેમ
અંકિતા લોખંડે અને સુશાંત સિંહ રાજપૂતનાં પ્રેમની શરૂઆત ઝીનાં શો પવિત્ર રિશ્તાથી થઇ હતી. બંને શો પર મળ્યા અને પ્રેમ થઇ ગયો હતો. શોમાં સુશાંત સિંહ રાજપૂતે માનવનો રોલ પ્લે કર્યો હતો. જયારે અંકિતા લોખંડેe અર્ચનાનો રોલ નિભાવ્યો હતો. સુશાંત સિંહ રાજપૂત બાદ અંકિતાનાં જીવનમાં વિક્કી જૈન આવ્યા અને હવે બંને હેપ્પીં મેરીડ લાઈફ એન્જોય કરી રહ્યા છે.