ટીવીથી લઈને બોલિવૂડમાં શાનદાર એક્ટિંગથી પોતાની ઓળખ બનાવનાર અંકિતા લોખંડે આજકાલ તેની તસવીરોને લઈને ખૂબ જ ચર્ચામાં છે. આ તસવીરો અંકિતાની દિવાળી સેલિબ્રેશનની છે. જેમાં તે ખૂબ જ સુંદર લાગી રહી છે. અંકિતાએ તેના ઈન્સ્ટાગ્રામ એકાઉન્ટ પર આ તસવીરો શેર કરી છે. તસવીરોમાં અંકિતાએ પિંક લહેંગો પહેર્યો છે. આ તસવીરો ફેન્સને ખૂબ જ પસંદ આવી રહી છે.
અંકિતાએ શેર કરી દિવાળી સેલિબ્રેશનની તસવીરો
તો સુશાંતના ફેન્સ ભડક્યા
અંકિતાને સંભળાવી ખરીખોટી
ખાસ વાત એ છે કે અંકિતાએ આ તસવીરો તેના બોયફ્રેન્ડ વિક્કી સાથે શેર કરી છે. એટલે કે અંકિતાએ વિક્કી સાથે દિવાળી સેલિબ્રેટ કરી. આ દરમિયાન વિક્કીએ ક્રીમ કલરનો કુરતો પહેર્યો છે. બંને સાથે પોઝ આપતા ખૂબ જ સારાં લાગી રહ્યાં છે. અંકિતાએ ફોટોઝ શેર કરતા કેપ્શનમાં લખ્યું-મારા-તમારા બધાં માટે હેપ્પી દિવાળી.
એક્ટ્રેસની આ પોસ્ટ પર યુઝર કમેન્ટ્સ કરી રહ્યાં છે. કેટલાક લોકો અંકિતાને દિવાળી વિશ કરી રહ્યાં છે તો કેટલાક તેના દિવાળી સેલિબ્રેશનને લઈને ગુસ્સો વ્યક્ત કરી રહ્યાં છે. સુશાંત સિંહ રાજપૂતના ફેન્સ અંકિતાનું વિક્કી જૈન સાથે સેલિબ્રેશન કરવા પર નારાજ છે. યુઝર્સ સુશાંતને લઈને પણ કમેન્ટ કરી રહ્યાં છે.
એક યુઝરે અંકિતાની પોસ્ટ પર કમેન્ટ કરતા તેને પૂછ્યું- શું તમે સુશાંત ભૂલી ગયા? જ્યારે અન્ય યુઝરે લખ્યું- જસ્ટિસ ફોર સુશાંત સિંહ રાજપૂતનું શું થયું. યુઝર્સ સતત કમેન્ટ્સ કરી રહ્યાં છે અને સુશાંતને લઈને અંકિતાને સવાલ પૂછી રહ્યાં છે. તમને જણાવી દઈએ કે હાલમાં જ અંકિતાએ વિક્કી જૈન માટે પોસ્ટ શેર કરી હતી, જેમાં અંકિતાએ વિક્કીથી માફી માંગી હતી.