અભિનેત્રી અંકિતા લોખંડે બોયફ્રેન્ડ વિકી જૈન સાથેના લગ્નને લઈને ચર્ચામાં છે. છેલ્લા કેટલાક દિવસોથી બંનેના લગ્ન પહેલાની તસવીરો અને વીડિયો સોશિયલ મીડિયા પર વાયરલ થઈ રહ્યા છે.
અંકિતાા-વિક્કીએ કરી લીધી સગાઇ
સુશાંતના ગીત પર પહેરાવી વીંટી
સોશ્યલ મીડિયા પર વાયરલ થયો વીડિયો
આ દરમિયાન અંકિતાએ વિકી સાથે સગાઈ કરી લીધી છે. જેનો એક વીડિયો સોશિયલ મીડિયા પર છવાયેલો છે જે ખૂબ જ રોમેન્ટિક છે.
સગાઈ દરમિયાન કપલ સુંદર દેખાઈ રહ્યું હતું
વિડિયોમાં અંકિતા બ્લેક ચમકદાર ડ્રેસમાં ખૂબ જ સુંદર લાગી રહી છે. તે મેચિંગ ઇયરિંગ્સ પહેરેલી જોવા મળી હતી. આ સાથે તેણે પોતાના વાળ ખુલ્લા રાખ્યા છે જે તેના લુકને કમ્પ્લીટ કરી રહ્યા છે. બીજી તરફ, વિકી જૈન ટર્ટલનેક ટી-શર્ટ અને મેચિંગ પેન્ટ પહેરેલો જોવા મળે છે. તેણે પ્રિન્ટેડ જેકેટ પહેર્યું છે, જેમાં તે ખૂબ જ હેન્ડસમ લાગી રહ્યો છે.
સુશાંતના ગીત પર રોમેન્ટિક થયા
વિકી-અંકિતાના વીડિયોમાં અંકિતાના એક્સ બોયફ્રેન્ડ અને દિવંગત અભિનેતા સુશાંત સિંહ રાજપૂતની ફિલ્મ 'રાબતા'નું ગીત સાંભળવા મળી રહ્યું છે. વિકી અંકિતાને સગાઈની વીંટી પહેરાવે છે, ત્યારબાદ વિકી અંકિતાને ગળે લગાડે છે અને તેને ચુંબન કરે છે. ત્યારપછી અંકિતા વિકી જૈનને વીંટી પહેરાવે છે. સ્ટેજ પર કપલ સગાઈની વીંટી બતાવતું જોવા મળે છે. આ દરમિયાન બંને ખૂબ જ ખુશ દેખાઈ રહ્યા છે.
અંકિતા લોખંડે અને વિકી જૈનની હલ્દી સેરેમની રવિવારે યોજાઈ હતી , જેની તસવીરો ધૂમ મચાવી રહી હતી . આ દરમિયાન એક વીડિયો સામે આવ્યો, જેમાં અંકિતા હાથ પર મહેંદી લગાવતી જોવા મળી રહી છે. ત્યારે વિકી તેની સામે ખુશીમાં નાચતો જોવા મળ્યો હતો. વર્ક ફ્રન્ટની વાત કરીએ તો, અંકિતા હવે ટીવી પછી બોલિવૂડ તરફ વળી રહી છે. અંકિતા છેલ્લે ફિલ્મ 'બાગી 3'માં જોવા મળી હતી. આ પહેલા તેણે કંગના રનૌત સાથે ફિલ્મ 'મણિકર્ણિકા'માં કામ કર્યું હતું.