એક એનિમેશન સ્ટુડિયોએ દાવો કર્યો છે કે ફિલ્મ આદિપુરુષ નો ફર્સ્ટ લુક પોસ્ટર તેમના કામની નકલ છે.
ફિલ્મ આદિપુરુષ પર વિવાદ સતત વધતો જાય છે
એનિમેશન સ્ટુડિયોએ કર્યો દાવો
ટીઝરનું ફર્સ્ટ લૂક પોસ્ટર કોપી કરવામાં આવ્યું છે
બાહુબલી ફેમ પ્રભાસ અને સૈફ અલી ખાન સ્ટારર ફિલ્મ આદિપુરુષ પર વિવાદ સતત વધતો જ જાય છે. 2 ઓક્ટોબરે અયોધ્યામાં ફિલ્મનું ટીઝર લોન્ચ કર્યા બાદ સોશિયલ મીડિયા પર તમામ પ્રકારના રીએક્શન જોવા મળે છે. એમાંથી ઘણા લોકો એવું પણ કહે છે કે આ ટીઝરને 'ગેમ ઓફ થ્રોન્સ' પરથી કોપી કરવામાં આવ્યું છે. અને અ વચ્ચે ઘણાં લોકોએ ફિલ્મનાં ટીઝરથી લઈને સૈફના લુક વિશે ઘણી નકારાત્મક વાત કરી છે અને આ બધા વચ્ચે હવે એક એનિમેશન સ્ટુડિયોએ દાવો કર્યો છે કે ફિલ્મ આદિપુરુષ નો ફર્સ્ટ લુક પોસ્ટર તેમના કામની નકલ છે.
ફિલ્મ 'આદિપુરુષ' ને લઈને વિવાદ વધ્યો
'આદિપુરુષ'નું ટીઝર તેના લુક અને ફીલ માટે ટ્રોલ થયું હતું તો આ સાથે જ કેટલાકને લાગતું હતું કે રાવણ તરીકે સૈફ અલી ખાન ભારતીય નહીં પણ મુઘલ લાગે છે આ બધા વચ્ચે એક એનિમેશન સ્ટુડિયોએ હવે કહ્યું છે કે ટીઝરનું ફર્સ્ટ લૂક પોસ્ટર અને કેટલાક દ્રશ્યો તેના કામમાંથી કોપી કરવામાં આવ્યા છે. એનિમેશન સ્ટુડિયોએ એક પોસ્ટ શેર કરતાં લખ્યું હતું કે “આ જોવું ખૂબ નિરાશાજનક લાગ્યું કે અમારા કામની આ રીતે નકલ થઈ છે પણ છેલ્લા ઘણા સમયમાં આ ઘણી વખત બન્યું છે. અમે આને લડાઈ તરીકે નથી જોતા કારણ કે અમે અમારું ધ્યાન આ પ્રકારના કામ પર કેન્દ્રિત કરીશું અને સારું કન્ટેન્ટ બનાવતા રહીશું. '
VFXની પાછળ ખર્ચ્યા છે 250 કરોડ
મળતી જાણકારી અનુસાર આ ફિલ્મનો વિચાર ડિરેક્ટરને જાપાની એનિમેટેડ ફિલ્મ રામાયણ જોયા પછી આવ્યો હતો અને એમને કોવિડ-19ના લોકડાઉન દરમિયાન 'આદિપુરુષ'ની વાર્તા લખી હતી. જણાવી દઈએ કે ફિલ્મનું બજેટ 500 કરોડ રૂપિયા હોવાનું કહેવાય છે અને તેમાંથી VFX પર 250 કરોડ રૂપિયાનો ખર્ચ કરવામાં આવ્યા છે. 12 જાન્યુઆરી 2023ના રોજ રિલીઝ થનારી આ ફિલ્મમાં પ્રભાસ ભગવાન રામના રોલમાં જોવા મળશે અને કૃતિ સેનન સીતાના રોલમાં , આ સિવાય સૈફ અલી ખાન રાવણ અને સની સિંહ નિજ્જર લક્ષ્મણની ભૂમિકામાં જોવા મળશે.