મોટી ટીપ્પણી કરતાં કહ્યું, માંસ ગરીબો માટે પરવડી શકે તેવું પ્રોટીન છે
હવે સુપ્રીમ કોર્ટ 12 માર્ચે આ કેસની કરશે વધુ સુનાવણી
માંસ માટે પ્રાણીઓની કતલ અટકાવવા સંબંધિત એક અરજી પર સુપ્રીમ કોર્ટે મોટું નિવેદન આપ્યું છે. સુપ્રીમનું કહેવું છે કે પ્રાણીઓનું માંસ ગરીબો માટે સસ્તાં પ્રોટીનનો એક વિકલ્પ છે. એક અરજદારે માંસ માટે પ્રાણીઓની કતલ પર રોક લગાવતી અરજી સુપ્રીમમાં કરી હતી. જેને સુનાવણી કરતા સુપ્રીમે આવો ચુકાદો આપ્યો હતો.
'Meat Affordable Means of Protein For Poor': Supreme Court On Plea To Curb Killing Of Animals https://t.co/ZDZ2v8CbVj
જલિકટ્ટુના ચુકાદા બાદ પ્રાણીઓ કતલ પર રોકનો આપશે ચુકાદો
ખંડપીઠના જસ્ટીસ જોસેફ અને જે.બી.પારડીવાલાએ માહિતી આપી હતી કે જલ્લીકટ્ટુ મામલે ચુકાદો આવ્યા બાદ તે આ મામલાની સુનાવણી કરશે અને તેથી તેને એક મહિના માટે મુલતવી રાખવામાં આવી છે.
ભારત જેવા દેશમાં, માંસ એ ગરીબો માટે પ્રોટીનનું સસ્તું સાધન
ખંડપીઠે એવો મત વ્યક્ત કર્યો કે ભારત જેવા દેશમાં, માંસ એ ગરીબો માટે પ્રોટીનનું સસ્તું સાધન છે. આ એક વાસ્તવિકતા છે. કોર્ટ હવે 12 માર્ચે આ કેસની વધુ સુનાવણી કરશે.
શું હતો કેસ
એક અરજદાર સુપ્રીમ કોર્ટમાં અરજી કરી હતી જેમાં તેમણે એવું કહ્યું કે દેશમાં બેજુબાન પ્રાણીઓની આડેધડ કતલ થઈ રહી છે, ફક્ત જીભના સ્વાદ માટે પ્રાણીઓની કતલ થઈ રહી છે અને તેને અટકાવવા માટે તાત્કાલિક આદેશ જારી કરવો જોઈએ. આ અરજી પર શુક્રવારે સુનાવણી કરતા સુપ્રીમની ખંડપીઠે ઉપર મુજબની ટીપ્પણી કરી હતી.