બોલિવૂડ એક્ટર અનિલ કપૂરે હાલમાં જ તેના ઈન્સ્ટાગ્રામ અકાઉન્ટ પર કેટલીક તસવીરો શેર કરી છે. જેમાં અનિલ કપૂરનું જોરદાર ટ્રાન્સફર્મેશન જોવા મળી રહ્યું છે. ઉંમરના આ તબક્કે પણ આટલા ફિટ અને હેલ્ધી અનિલ ઘણો જ મસ્કુલર દેખાઈ રહ્યો છે. તેની તસવીરો ખૂબ જ વાયરલ થઈ રહી છે.
અનિલ કપૂરની તસવીરો થઈ વાયરલ
અનિલે શેર કરી શર્ટલેસ તસવીરો
યુવાનોને શરમાવે એવો ફિટ દેખાઈ રહ્યો છે અનિલ
અનિલની તસવીરો પર બોલિવૂડના ઘણાં સુપરસ્ટાર્સે પ્રતિક્રિયા આપી છે. રીતિક રોશને અનિલ કપૂરની પોસ્ટ પર કમેન્ટ કરી છે કે, હું તમારી વાતથી સંમત છું, ત્યારે અનિલની દીકરી સોનમ અને રિયા કપૂરે ઈમોજી શેર કરીને પોતાની લાગણી વ્યક્ત કરી છે. તો એક્ટ્રેસ શિલ્પા શેટ્ટીએ લખ્યું કે તમે ઈન્સ્પિરેશન છો.
તો અર્જુન કપૂરે ઈમોજી શેર કરીને પોતાના ઈમોશન વ્યક્ત કર્યાં. જ્યારે રિતેશ દેશમુખે લખ્યું-WTF. તમને જણાવી દઈએ કે, અનિલ કપૂરે આ તસવીરો શેર કરતાં એક લાંબી પોસ્ટ પણ લખી છે. તેમણે લખ્યું છે કે, આ પાપા જ્ઞાન નથી આપતા, બસ કપડાં ઉતારી બીચ પર વોક કરે છે. દરેકનો વીક પોઈન્ટ હોય છે અને મારો ભોજન છે.
અનિલે આગળ લખ્યું- મારી અંદરના પંજાબી છોકરાને હમેશાં સ્વાદ લેવાની જરૂર હોય છે. હું હમેશાં મારી ભૂખ કરતાં વધુ ખાઈ લઉં છું. લોકડાઉનમાં મૈં પોતાને શાર્પ લુક આપવાનો ચેલેન્જ આપ્યો હતો. આ નવો લુક ભોજન તરફ મારો નવો એપ્રોચ હશે. હર્ષ અને મારા ટ્રેનર માર્કે જવાબદારી લીધી છે કે, તેઓ મને મારા ઈટિંગ પ્લાન્સ પર નજર રાખવાનું યાદ અપાવતા રહેશે.