બોલિવૂડના દિગ્ગજ અભિનેતા અનિલ કપૂરે રવિવારે અલીબાગની મુલાકાત લીધી હતી. અભિનેતાએ તેના ઇન્સ્ટાગ્રામ પર ઘણી તસવીરો શેર કરી છે, જેમાં તે સફેદ શર્ટ અને બ્લુ જીન્સમાં પોઝ આપતો જોવા મળી રહ્યો છે. તસવીરમાં તેમની પાછળ એક સુંદર બીચ જોવા મળી રહ્યો છે.
અનિલ કપૂરે રવિવારે અલીબાગની મુલાકાત લીધી
સફેદ શર્ટ અને બ્લુ જીન્સમાં હેન્ડસમ લાગી રહ્યો છે અનિલ
63 વર્ષીય અનિલની તસવીરો જોઈ ફેન્સ દિવાના થઈ ગયા
અનિલ કપૂરે તસવીરો શેર કરતા લખ્યું- 20 વર્ષ થઈ ગયા..હેશટેગ હેલ્લો અલીબાગ અનિલ કપૂરે તસવીરો શેર કરતા જ ફેન્સ ખૂબ કમેન્ટ કરી રહ્યાં છે. એક યુઝરે લખ્યું- તમે એકદમ યુવાન દેખાઈ રહ્યાં છો. એક અન્ય યુઝરે લખ્યું- તમે પાછળની તરફ આગળ વધી રહ્યાં છો.
અલીબાગ જતાં પહેલાં અનિક કપૂરે પોતાની ઈન્સ્ટા સ્ટોરી પર માસ્ક પહેરેલી એક તસવીર શેર કરી હતી અને લખ્યું- માસ્ક ચેક. લોકડાઉન પીડિયડનો સારો ઉપયોગ કરીને અનિલ કપૂરે પોતાની જાતને વધુ ફિટ કરી લીધી છે. આ પહેલાં પણ અનિલ કપૂરે ઈન્સ્ટાગ્રામ પર પોતાની ફિટનેસ ફોટોઝ શેર કરીને લખ્યું હતું- આજે હું જેટલો ફિટ છું એટલો પહેલાં ક્યારેય નહોતો. મજબૂત શરીર મજબૂત દિમાગ.
અનિલ કપૂર 63 વર્ષના થઈ ગયા છે, પરંતુ આ ઉંમરે પણ તે ડાયટ અને કસરતમાં બિલકુલ બેદરકારી કરતા નથી. આ જ કારણ છે કે 63 વર્ષની ઉંમરે પણ અનિલ કપૂર યુવાન દેખાય છે. અનિલ કપૂરનો આ વીડિયો પણ તમને આશ્ચર્યચકિત કરી દેશે. વીડિયોમાં અનિલ કપૂર રેડ ટી-શર્ટ અને બ્લેક પેન્ટમાં દોડી રહ્યા છે. 63 વર્ષની વયે જે ગતિમાં તેઓ દોડી રહ્યાં છે તે જોઈને ખરેખર લોકો અચંબિત થઈ ગયા છે. એટલે જ અનિલ કપૂર આજે પણ એટલા જ ફિટ છે.
અનુપમ ખેર સાથેના એક લાઈવ સેશનમાં અનિલ કપૂરે જણાવ્યું કે તે લોકડાઉનમાં કેવી રીતે પોતાનું ધ્યાન રાખે છે. અનિલે કહ્યું, હું પુસ્તકો વાંચવામાં અને ઘણી વસ્તુઓ જોવા માટે ઘણો સમય આપી રહ્યો છું. મેં કેટલીક સ્ક્રિપ્ટો પણ વાંચી છે. કસરત પણ મને વ્યસ્ત રાખવામાં મદદ કરે છે. અનિલ કપૂર હવે કરણ જોહરની મલ્ટીસ્ટારર ફિલ્મ 'તખ્ત'માં જોવા મળશે.