બિઝનેસ / Reliance કોમ્યુ.માં 30 હજાર કરોડની ખોટ જતાં અનિલ અંબાણીએ ડાયરેક્ટર પદેથી રાજીનામું આપ્યું

• રિલાયન્સ ગ્રુપના અધ્યક્ષ અનિલ અંબાણીનું ડાયરેક્ટર પદેથી રાજીનામું
• અન્ય 4 અધિકારીઓએ પણ આપ્યા રાજીનામા

બિઝનેસ ટુડેના અહેવાલ અનુસાર અનિલ અંબાણી સિવાય છાયા વિરાણી, રાયના કારાણી, મંજરી કેકર અને સુરેશ રંગાચરે પણ રાજીનામું આપી દીધું છે. તેમાંથી અનિલ અંબાણી, છાયા વિરાણી અને મંજરી કેકરે 15 નવેમ્બરના રોજ રાજીનામું આપ્યું હતું, જ્યારે રાયના કારાણીએ 14 નવેમ્બરે અને 13 નવેમ્બરના રોજ સુરેશ રંગાચરે રાજીનામું આપ્યું હતું.

શુક્રવારે આરકોમના બીજા ક્વાર્ટરના પરિણામો થયાં જાહેર 

નોંધનીય છે કે, રિલાયન્સ કમ્યુનિકેશન્સના બીજા ક્વાર્ટરના પરિણામો શુક્રવારે જાહેર થયા હતા. ન્યૂઝ એજન્સી પીટીઆઈ અનુસાર જુલાઇ-સપ્ટેમ્બર ક્વાર્ટરમાં કંપનીને રૂ 30,142 કરોડનું નુકસાન થયું હતું. 

શેરબજારમાં હાલમાં આરકોમના શેર 59 પૈસા પર છે 

દેવાળા પ્રક્રિયા હેઠળની કંપનીએ અગાઉના નાણાકીય વર્ષના સમાન ત્રિમાસિક ગાળામાં રૂ1,141 કરોડનો નફો કર્યો હતો. તે જ સમયે, ત્રિમાસિક ગાળા દરમિયાન કંપનીની આવક ઘટીને રૂ. 302 કરોડ થઈ છે, જે અગાઉના નાણાકીય વર્ષના સમાન ત્રિમાસિક ગાળામાં રૂ. શેરબજારમાં હાલમાં આરકોમના શેર 59 પૈસા પર છે.

ત્રિમાસિક પરિણામો જણાવે છે કે ટેલિકોમ કંપનીઓની વાર્ષિક એડજસ્ટેડ ગ્રોસ રેવન્યુ (AGR) ની ગણતરી અંગે સુપ્રીમ કોર્ટના નિર્ણયને ધ્યાનમાં રાખીને રૂપિયા 28,314 કરોડની જોગવાઈ કરી છે. આરકોમની કુલ જવાબદારીઓમાં રૂ 23,327 કરોડની લાઇસન્સ ફી અને 4,987 કરોડ રૂપિયા સ્પેક્ટ્રમ વપરાશ ફી શામેલ છે.

3 ચીની કંપનીએ પણ અનિલ અંબાણી સામે માંડ્યો દાવો 

તાજેતરમાં જ આરકોમના માલિક અનિલ અંબાણી પર લંડનની અદાલતમાં 680 મિલિયન (આશરે 47,600 કરોડ રૂપિયા) ના ચૂકવવા મામલે ત્રણ મોટી ચીની બેંકોએ કેસ દાખલ કર્યો છે. આ ત્રણેય બેંકો - ઔદ્યોગિક અને વાણિજ્યિક બેંક ચીફ ચાઇના લિમિટેડ, ચાઇના ડેવલપમેન્ટ બેંક અને ચાઇનાની નિકાસ-આયાત બેંક.