નાદારી / અનિલ અંબાણીની આ કંપની પર અપાર દેવું છતાં 2 દિવસથી રોકાણકારોને જલસા થઈ ગયા

• છેલ્લા બે દિવસમાં રિલાયન્સ કેપિટલના શેરમાં 7 ટકાનો ઉછાળો
• રિલાયન્સ કેપિટલના રોકાણકારોને થયો મોટો ફાયદો
• શેરનો ભાવ વધીને રુ. 13.58 થયો 

રિલાયન્સ કેપિટલની આર્થિક સ્થિતિ ખસ્તાહાલ હોવા છતાં પણ કંપનીના રોકાણકારોને મોટો ફાયદો થયો છે.

હકીકતમાં છેલ્લા બે દિવસમાં રિલાયન્સ કેપિટલના શેરમાં 7 ટકાનો ઉછાળો નોંધાયો છે. અઠવાડિયાના અંતે શુક્રવારે શેરનો ભાવ રુ. 5.76 થી વધીને રુ. 13.58 થયો હતો. 

રિલાયન્સ કેપિટલ પર  20 હજાર કરોડનું દેવું

રિલાયન્સ કેપિટલ પર હાલમાં 20 હજાર કરોડ કરતા પણ વધારેનું દેવું છે. છેલ્લા ડિસેમ્બર ત્રિમાસિકમાં કંપનીને કુલ રુ. 4018 કરોડની ખોટ થઈ હતી. ગત વર્ષના આ જ સમયગાળામાં કંપનીની ફક્ત રુ. 135 કરોડની ખોટ થઈ હતી. 2019 માં કેર રેટિંગ એજન્સીએ રિલાયન્સ કેપિટલને 17000 કરોડના દેવાને ડી ગ્રેડ ડિફોલ્ટમાં નાખી દીધી હતી. 

રિલાયન્સ નેવલ પર પણ 20,000 કરોડનું દેવું 

બીજા એક રિપોર્ટ અનુસાર, અનિલ અંબાણીની કંપની રિલાયન્સ નેવલ એન્ડ એન્જિનિયરિંગ લિમિટેડને ખરીદવાની રેસમાં નવીન જિંદાલની માલિકીવાળા જેએસપીએલ જૂથ પણ છે. તમને જણાવી દઈએ કે નેશનલ કંપની લો ટ્રિબ્યુનલે ઋણદાતાઓને કંપનીની રીઝોલ્યુશન પ્રક્રિયાને પૂરી કરવા માટે વધારે પાંચ મહિનાનો સમય આપ્યો છે.અનિલ અંબાણીની આ કંપની પર રુપિયા 11,0000 કરોડનું દેવું છે. રશિયન સરકારની માલિકીની યુનાઈટેડ શિપબિલ્ડિંગ કોર્પોરેશન અને યુએસ આધારિત ફંડ, ઈન્ટરઅપ પણ સામેલ છે.પૂર્વ કેબિનેટ મિનિસ્ટર નવીન જિંદાલ દેશના મોટા કારોબારી ઘરાનામાં સામેલ છે. નવીનની માતાનું નામ સાવિત્રી જિંદાલ છે. સાવિત્રી જિંદાલ દુનિયાના ટોચના અબજોપતિમાં સામેલ છે. બ્લૂમબર્ગ બિલિયોનર ઈન્ડેક્સના જણાવ્યાનુસાર સાવિત્રી જિંદાલની સંપત્તિ 8.22 બિલિયન ડોલર છે. તેઓ અબજોપતિની યાદીમાં 302 માં સ્થાને છે.