આરોપ / અનિલ અંબાણીને થઈ શકે છે 10 વર્ષની જેલ, વિદેશની બૅન્કમાં ગુપ્ત ધન-420 કરોડની ટેક્સચોરીનો આરોપ

• અનિલ અંબાણી પર ટેક્સ ચોરીનો આરોપ 
• સ્વિસ બેંકમાં અનિલ અંબાણીના 814 કરોડ રૂપિયા 
• ઇનકમ ટેક્સ વિભાગે આપી નોટિસ 

અનિલ અંબાણી પર ટેક્સ ચોરીનો આરોપ 

રિલાયન્સ ગ્રુપનાં ચેરમેન અનિલ અંબાણીનાં ખરાબ દિવસો સમાપ્ત થવાનું નામ જ નથી લઈ રહ્યા. ઇનકમ ટેક્સ ડીપાર્ટમેન્ટે અનિલ અંબાણી સામે કોર્ટ કેસ ચલાવવાની મંજૂરી આપવાની માંગ કરી છે. ઇનકમ ટેક્સ ડીપાર્ટમેન્ટે આ માંગ બે સ્વિસ બેંકનાં ખાતાઓમાં 814 કરોડ રૂપિયાથી વધારેની અઘોષિત સંપત્તિ પર 420 કરોડ રૂપિયાની ટેક્સ ચોરીને લઈને કરી છે. 

થઈ શકે છે 10 વર્ષની જેલ 
ક રિપોર્ટ અનુસાર, ઇનકમ ટેક્સ ડીપાર્ટમેન્ટે આરોપ લગાવ્યો છે કે અંબાણીએ જાણીજોઇને ટેક્સની ચોરી કરી છે. ડીપાર્ટમેન્ટ અનુસાર, અંબાણીએ સમજી વિચારીને રણનીતિ હેઠળ વિદેશી બેન્ક અકાઉન્ટમાં જમા રકમની જાણકારી ભારતીય ટેક્સ અથોરિટીઝને આપી ન હતી. આ સંબંધે અનિલ અંબાણીને ઓગસ્ટ મહિનાની શરૂઆતમાં કારણ જણાવવા માટેની નોટિસ પણ આપવામાં આવી હતી. ડીપાર્ટમેન્ટનું કહેવું છે કે અનિલ અંબાણી સામે બ્લેક માંની ઇમ્પોઝિશન ઓફ ટેક્સ એક્ટ 2015નાં સેકશન 50 તથા 51 હેઠળ કેસ ચલાવી શકાય છે, જેમાં દંડની સાથે સાથે વધારેમાં વધારે 10 વરણી સજા થઈ શકે છે. 

જાણી જોઈને વિદેશી સંપત્તિ છુપાવવાનો આરોપ 
ઇનકમ ટેક્સ ડીપાર્ટમેન્ટે અનિલ અંબાણીને જાહેર કરેલ નોટિસમાં 31 ઓગસ્ટ સુધીમાં જવાબ આપવાનું કહ્યું છે.  અનિલ અંબાણી પર ઍસેસમેન્ટ યર 2012-13થી લઈને 2019-20 સુધી વિદેશમાં રાખેલ અઘોષિત સંપત્તિ પર ટેક્સની ચોરીનો આરોપ છે. ઇનકમ ટેક્સ ડીપાર્ટમેન્ટની નોટિસ અનુસાર, અધિકારીઓએ મેળવ્યું કે અંબાણી બહામાસ બેસ્ડ કંપની ડાયમંડ ટ્રસ્ટ અને નૉર્થન અટલાન્ટિક ટ્રેડિંગ અનલિમિટેડનાં ઈકોનોમિક કંટ્રીબયૂટર અને બેનેફિશિયલ ઓનર છે. નૉર્થન અટલાન્ટિક ટ્રેડિંગ અનલિમિટેડને બ્રિટિશ વર્જીન આઇલેન્ડમાં રજીસ્ટર કરાવવામાં આવી છે, જેને ટેક્સ ચોરી માટે સ્વર્ગ માનવામાં આવે છે. 

ઇનકમ ટેક્સ ડીપાર્ટમેન્ટને મળી  આ ડિટેલ્સ 
બહામાસ બેસ્ડ ટ્રસ્ટમાં ઇનકમ ટેક્સ ડીપાર્ટમેન્ટે મેળવ્યું કે આ ડ્રીમવર્ક હોલ્ડિંગ્સ ઇન્ક નામથી એક કંપની ચલાવે છે. આ કંપની એસવીસ બેંકમાં એક ખાતું ખોલાવ્યું છે, જેમાંઆ 31 ડિસેમ્બર 2017નાં ઓરજ 32,095,600 ડોલર જમા હતા. નોટિસ અનુસાર, ટ્રસ્ટને 25,040,422 ડોલરની ઇનિશિયલ ફન્ડિંગ મળી હતી. ડીપાર્ટમેન્ટનું કહેવું છે કે આ ફન્ડિંગ અનિલ અંબાણીનાં પર્સનલ અકાઉન્ટથી મોકલવામાં આવી હતી. અંબાણીએ વર્ષ 2006માં ટ્રસ્ટને ખોલવા માટે કેવાયસી દરમિયાન પોતાનો પાસપોર્ટ આપ્યો હતો. આ ટ્રસ્ટનાં લાભાર્થીઓમાં તેમના પરિવારના લોકો પણ સામેલ હતા. 

અનિલ અંબાણીએ આપવા પડશે કરોડોનાં ટેક્સ 
જ્યારે બ્રિટિશ આઇલેન્ડમાં જુલાઇ 2010માં રજીસ્ટર થયેલ કંપનીએ પણ જયૂરીખની બેંક ઓફ સાઈપ્રસમાં અકાઉન્ટ ખોલાવ્યું હતું. ડીપાર્ટમેન્ટનું કહેવું છે કે અનિલ અંબાણી જ આ કંપની અને કંપનીના ફંડનાં અલ્ટિમેટ બેનેફિશિયલ ઓનર છે. આ કંપનીને વર્ષ 2012માં બહામાસમાં રજિસ્ટર્ડ એક કંપની PUSAથી 10 કરોડ ડોલર મળ્યા હતા. અનિલ અંબાણીએ જ એ ફંડને સેટલ કરાવ્યું હતું અને તેનાઆ લાભાર્થી પણ હતા. કર અધિકારીઓ અનુસાર, બંને સ્વિસ બેંક ખાતાઓમાં કુલ જમા રકમ 814 કરોડ રૂપિયા છે અને તેના પર 420 કરોડ રૂપિયાનો ટેક્સ બને છે.