એક સમયે ભારતના દિગ્ગજ ઉદ્યોગપતિ અનીલ અંબાણી હાલ પાયમાલી તરફ છે. લંડનમાં કોર્ટમાં તેમણે કહ્યું છે કે તેઓ સાદગીભર્યું જીવન જીવી રહ્યા છે અને તેમની પાસે માત્ર એક જ કાર છે. આટલું જ નહીં વકીલોના પૈસા માટે તો ઘરેણાં વેચી દેવા પડ્યા છે.
ઉદ્યોપગતિ અનિલ અંબાણી પાયમાલી પર તરફ
અનિલ અંબાણી ઘરેણાઓ વેંચવા બન્યા મજબૂર
ચીનની બેંકની લોન ન ચુકવી શકતા યૂકેની હાઇકોર્ટમાં ચાલી રહ્યો છે કેસ
કોર્ટમાં જ્યારે તેમને કારના કાફલા વિશે પૂછવામાં આવ્યું ત્યારે તેમણે કહ્યું કે આ તો માત્ર મીડિયાની વાતો છે. મારી પાસે ક્યારેય રોલ્સ રોયસ ન હતી અને અત્યારે એક જ કાર મારી પાસે છે. યૂકેની કોર્ટમાં અનિલ અંબાણીએ સ્વીકાર્યું કે તેઓ પાયમાલ થઈ ચૂક્યા છે. તેમની સંપત્તિને લઈને પણ તેમને ખુલાસો કર્યો અને સાથે જ કહ્યું કે અત્યારે હું ઘરેણાં વેચીને વકીલોની ફી ભરી રહ્યો છું. હું સાધારણ જીવન જીવવા મજબૂર છું.
પોતાના દીકરા પાસેથી 310 કરોડ રૂપિયાનું દેવું લીધું
વીડિયો કોન્ફ્રેન્સિંગના માધ્યમથી જ્યારે તેઓ કોર્ટમાં હાજર થયા ત્યારે તેમણે કહ્યું કે તેમણે તેમની માતા પાસેથી 500 કરોડ જ્યારે પોતાના દીકરા પાસેથી 310 કરોડ રૂપિયાનું દેવું લીધું છે.આ સિવાય જ્યારે તેમને પૂછવામાં આવ્યું કે ટીના એન્ડ અનિલ અંબાણી કલેક્શન શું છે ? ત્યારે તેમણે જવાબ આપ્યો કે તે મારી પત્નીનું કલેક્શન છે અને અંબાણી અત્યારે આર્થિક તંગીમાંથી પસાર થઇ રહ્યા છે. તેમણે કહ્યું કે મારા ખર્ચા ખૂબ સામાન્ય છે અને પત્ની તથા પરિવાર મારું ભરણપોષણ કરી રહ્યું છે. કોઈ અન્ય આવકનો સ્ત્રોત નથી.
અત્યારે છેલ્લા 6 મહિનામાં અનિલ અંબાણી 9.9 કરોડ રૂપિયાના ઘરેણાં વેચી ચૂક્યા છે. તેમની પાસે 1 જ ગાડી બચી છે. તેમનો ખર્ચ પણ તેમનો પરિવાર ઉઠાવી રહ્યો છે. પાયમાલી તરફ અધોગતિ કરી રહેવા અનિલ અંબાણીએ કોર્ટમાં આ તમામ વાતો સ્વીકારી હતી.
આ 3 બેંકો પાસેથી લીધી હતી મોટી રકમ
ફેબ્રુઆરી 2012માં રિલાયન્સ કોમે 3 ચાઈના બેંક પાસેથી 700 મિલિયન ડોલરથી પણ વધારેની લોન લીધી હતી. તેની પર્સનલ ગેરેંટી અનિલ અંબાણીની હતી. કંપની દેવાદાર બની છે ત્યારે બેંકોએ વ્યાજની સાથે રકમ ચૂકવવા માટે કેસ કર્યો છે. લોન માંગનારામાં ઈન્ડસ્ટ્રિયલ એન્ડ કર્મશિયલ બેંક ઓફ ચાઈના લિમિટેડ, ચાઈના ડેવલપમેન્ટ બેંક અને એક્ઝિમ બેંક ઓફ ચાઈનાનો સમાવેશ થાય છે.