લ્યો બોલો ! / પોપટની ફરીયાદ કરવા પોલીસ સ્ટેશને પહોંચ્યા દાદા, સાંભળીને પોલીસ પણ છક થઈ ગઈ

• મહારાષ્ટ્રના પુણેમાં વૃદ્ધે પોપટ સામે નોંધાવી ફરિયાદ
• પાડોશીનો પોપટ મને જોઇને સિટી વગાડે છે
• વૃદ્ધની ફરિયાદના આધારે અમે કાર્યવાહી કરીશું: પોલીસ

પોપટ મને જોઇને સિટી મારે છે, વૃદ્ધની ફરિયાદ

મહારાષ્ટ્રના પુણેમાં એક પોપટ સતત શોર મચાવતો હોવાથી પરેશાન થયેલા 72 વર્ષીય એક વૃદ્ધે પોલીસમાં ફરિયાદ નોંધાવી છે. એક અધિકારીએ રવિવારે આ જાણકારી આપી. અધિકારીએ જણાવ્યું કે સુરેશ શિંદેએ પાંચ ઓગષ્ટે પોતાના પાડોશી અકબર અમજદ ખાનની સામે ખડકી પોલીસ સ્ટેશનમાં ફરિયાદ નોંધાવી હતી. પાડોશીના પોપટની ફરિયાદમાં વૃદ્ધે કહ્યું કે જ્યારે પણ હું ઘરની બહાર નિકળુ છુ ત્યારે પોપટ મને જોઇને સિટી વગાડે છે. 

વૃદ્ધની ફરિયાદના આધારે અમે આગળની કાર્યવાહી કરીશું 

શિવાજી નગરના રહેવાસી શિંદે મુજબ અકબરનો પોપટ ખૂબ ઘોંઘાટ કરતો હતો અને કથિત રીતે તેમને પરેશાન કરતો હતો. ખડકી પોલીસ સ્ટેશનના એક અધિકારીએ કહ્યું, અમે શિંદેની ફરિયાદના આધારે પોપટના માલિક સામે શાંતિ ભંગ કરવી અને ગુનાકીય ધમકી આપવા મામલે ફરિયાદ નોંધી છે. અમે નિયમ મુજબ આગળની કાર્યવાહી કરીશુ. 

વૃદ્ધે માલિકને કરી હતી ફરિયાદ

પોપટની આ હરકતને જોઇને વૃદ્ધે તેના માલિકને ફરિયાદ કરી હતી. આ સાથે એવુ પણ કહ્યું હતુ કે આ પોપટને કોઈ અન્ય જગ્યા પર રાખી દેવામાં આવે. જો કે, આ વાત પર પોપટના માલિકની વૃદ્ધ સાથે ચર્ચા થઇ ગઇ. ત્યારબાદ વૃદ્ધે પુણેના ખડકી પોલીસ સ્ટેશનમાં આ સંદર્ભે ફરિયાદ નોંધાવી.