છત્તીસગઢ: એક વીડિયો વાયરલ થયો જે જોઈને સૌ કોઈ હેરાન છે. વાત છે છત્તીસગઢના સૂરજપુર ગામની. જ્યાં એક જંગલી હાથી ઘૂસી આવતા ગામમાં અફરા તફરી મચી હતી. ગુસ્સે ભરાયેલો આ હાથી એક માટીના ઘરમાં ઘૂસી ગયો અને પછી તોડફોડ કરી.
ઘટનાને દૂરથી જોઈ રહેલો મકાન માલિક પણ પોતાના મકાનને બચાવવા માટે અસમર્થ હતો. કદાચ ભૂખના કારણે આ હાથી આ મકાનમાં ઘૂસ્યો હતો પણ તેને કંઈ હાથ ના લગતા ગુસ્સામાં તોડફોડ કરી હતી.
જેમાં મકાન માલિકને રૂ. 70 હજારનું નુકશાન પણ થયું. ફોરેસ્ટ ડિપાર્ટમેન્ટે પીડિત મકાનમાલિકને વળતર આપવાનું એલાન પણ કર્યું છે. આપ વીડિયોમાં જોઈ શકો છો કે પોતાના તૂટી રહેલા મકાનને બચાવવા માટે માલિક પાસે કોઈ છૂટકો ન હતો અને માત્ર તે પોતાના મકાનની તબાહી જ જોતો રહ્યો.