બેદરકારી / મોત પહેલાનો ઍક્ટરનો આ વીડિયો જોઈ તંત્ર પર આવશે ગુસ્સો, કહ્યું ઑક્સિજનને બદલે માત્ર માસ્ક લગાવી જતા રહ્યાં

• રાહુલ વોરાની પત્નીએ કરી ન્યાયની માગ 
• એક્ટરનો છેલ્લો વીડિયો વાયરલ 
• કેવી રીતે મૃત્યુ પામ્યો રાહુલ 

જ્યોતિએ સોશ્યલ મિડીયા પર એક પોસ્ટ લખી છે અને સાથે રાહુલનો એક વીડિયો પણ શૅર કર્યો છે જેમાં તે હોસ્પિટલની બેદરકારી વિશે વાત કરી રહ્યો છે. 

વીડિયોમાં રાહુલ ઓક્સિજન માસ્ક હટાવીને કહે છે કે આની ખુબ કિંમત છે, આજના સમયમાં. આના વગર દર્દી તરફડીયા મારે છે. જે બાદ તે માસ્ક ફરી લગાવે છે અને હટાવીને કહે છે આમાં કંઇ આવી રહ્યુ નથી. 

આગળ તે કહે છે કે અટેન્ડન્ટ આવી હતી અને મે તેને કહ્યું તો તેણે કહ્યું એક બોટલ હોય છે જેમાંથી તે પાણી આવી રહ્યુ છે. પાણી નાંખો અને તેને લગાવો. કોઇને કંઇ કહીએ છીએ તો કહે છે એક મિનીટમાં આવ્યા અને બાદમાં કોઇ આવતુ જ નથી. આ ખાલી માસ્કનું હું શું કરુ. 

રાહુલની પત્નીએ લખ્યું, દરેક રાહુલ માટે ન્યાય, આ સૌને ખબર છે કે તે મૃત્યુ પામ્યો પણ કેવી રીતે તે કોઇને ખબર નથી. આશા રાખુ છુ કે મારા પતિને ન્યાય મળે. વધુ એક રાહુલ દુનિયામાંથી ન જવો જોઇએ. 

તમને જણાવી દઇએ કે રાહુલ વોહરાએ શનિવારે એક પોસ્ટ લખીને લોકો પાસે મદદ માંગી હતી તેના થોડા સમય બાદ જ તે મૃત્યુ પામ્યો હતો. રાહુલ વોહરાએ લખ્યું કે મને પણ સારી ટ્રીટમેન્ટ મળતી તો હું પણ બચી જતો. તમારો રાહુલ. જલ્દી જ બીજે ક્યાંક જન્મ લઇશ અને સારા કામ કરીશ.