રાજ્ય સરકાર દ્વારા રજૂ કરાયેલા બજેટમાં સુરતમાં સરકારી કોલેજોની ફાળવણીની જાહેરાત કરાઈ છે. ત્યારે આ મામલે સુરતમાં કોંગ્રેસ દ્વારા અનોખો વિરોધ જોવા મળ્યો હતો.
કોંગ્રેસના કાર્યકરોએ કામરેજના MLAને આપ્યા ગાજર અને લોલીપોપ
રાજ્ય સરકાર દ્વારા સુરતમાં બે સરકારી કોલેજો અને મંજૂરી આપવાને લઈને હવે રાજકીય ગરમાવો પણ આવી રહ્યો છે. ત્યારે સુરત કોંગ્રેસના કાયરકર્તાઓએ કામરેજના ધારાસભ્યની ઓફિસ ખાતે મોટી સંખ્યામાં ધસી જઈને લોલીપોપ અને ગાજર આપીને વિરોધ નોંધાવ્યો હતો. અને ધારાસભ્ય અને કોંગ્રેસના કાયરકર્તાઓ આમને સામને આવી ગયા હતા.
કોંગ્રેસના કાર્યકરોએ ભાજપ MLAને ગાજર અને લોલીપોપ આપી વિરોધ કર્યો
કોંગ્રેસના કાર્યકર્તાઓ રજૂઆત કરી હતી કે, સરકાર એક તરફ સરકારી કોલેજ મંજૂર કરી રહી છે. તો બીજી તરફ આઝાદીના સમયથી આયુર્વેદિક કોલેજ છે. જે સરકારી હતી. તેનું શા માટે ખાનગીકરણ કરવામાં આવ્યું છે. આ મામલે કોંગ્રેસના કાર્યકર્તાઓ તેમજ કામરેજના ધારાસભ્ય વી.ડી. ઝાલાવડીયા વચ્ચે ખૂબ જ ઉગ્ર ચર્ચા શરૂ થઈ ગઈ હતી.
અકળાયેલા ધારાસભ્યએ કોંગ્રેસના કાર્યકરો પર ગાજર અને લોલીપોપ ફેક્યા
સામ સામે આક્ષેપો પ્રતિ આક્ષેપો શરૂ થઈ ગયા હતા. કોંગ્રેસના કાર્યકર્તાઓ કહ્યું કે, તમે પ્રજાને માત્ર લોલીપોપ અને ગાજર બતાવો છો. એવું કહીને કોંગ્રેસના કાર્યકર્તાઓએ ગાજર ધારાસભ્ય વી.ડી.ઝાલાવડિયાના ટેબલ ઉપર ખડકી દીધા હતા. જેને જોઈને ધારાસભ્ય પણ ગુસ્સે ભરાયા હતા અને કોંગ્રેસના કાર્યકરો સામે ગાજર માર્યા હતાં.